Äbtissin, Priorin und Konvent des Klosters Lilienthal verkaufen der Lutgard, Witwe des Hinrich von Aumund, für sechs Mark die Rente von einer halben Mark, die als Memorienstiftung nach ihrem Tode zurück ans Kloster fällt. Die Familie der Lutgard wird in die Klosterbruderschaft aufgenommen. Ausfertigung Pergament, 27 x 11 cm, starke Moderschäden, untere rechte Hälfte unterhalb des Textes fehlt. - Rep. 3 Lilienthal, Nr. 258. - 2 Siegel angehängt, fehlen. Wy suster Grete ebbedische, Ilsebe priorende unde dat gantze mene convent des klosters sunte Marien to dem Lyli/endale in dem stychte to Bremen bekennet unde betughet openbare an dessem breve, dat wy menliken unde endracht/liken hebbet vorkoft und vorkopet in desser scryft to eneme ewyghen steden vasten kope vorn Lutgarde wedewen,/ wandaghes housvrouwen Hinrikes van Oumunde zelygher dechtnisse, vor zes Bremer mark, de uns degher unde/ al bered synd, ene ewyghe halve Bremer mark geldes, de men er iarlikes unbeworen gheven scal uthe unses/ klosters gude unbeworen twischen den hochtiden zunte Michelis unde zunte Mertens, edder keren ze an godes/ ere, alze dat hebben wel de wyle dat ze levet. Wanner ze aver in den heren gestorven is, so scole wy alle/ jar to der zulven tiid unser kemereschen de rente antworde laten, und de scal alle jar to ener ewyghen me/ morien eyn denst doen dem convente an dem hilghen daghe sunte Mathei des hilgen apostels unde ewangeliste/ vor der vorscrevenen vorn Lutgarde unde Hinrikes, eres mannes, unde Ermegarde, erer dochter, unde erer an/deren kyndre zele, dar ze des vore begherende is. Ok na erer begheringhe zo gheve wy en unde nemet ze an/ unse broderscup, dat ze deelaftich werden aller guden werke, deze werdet dach unde nacht van dar gnade go/des an unser zammelinghe. Tho ener betughinghe so hebbe wy unse ingezegele hangen to dessem breve./ Datum anno domini Mo CCCo octuagesimo sexto,
Public Domain Mark 1.0 Universell