Hermann von Issendorf unde Godeke Rodewald, Vögte in Ottersberg, bestätigen, dass sie mit Friedrich Vurwiger anwesend waren, als ihr Knecht Hinrich Vurwiger auf alle Ansprüche gegen das Kloster verzichtete. Ausfertigung Pergament, 22 x 9 cm. - Rep. 3 Lilienthal, Nr. 384. - 2 Siegel angehängt, 2. fehlt: 1. Hermann von Issendorf, mit dunkelgrünem Wachs in gelber Schüssel, beschädigt, restauriert. Witlik zy al den ghenen, de dessen breef zeed edder horet lesen, dat wy Hermen van Idzendorpe/ unde Godeke Rodewolt, nou tho tyden voghede to den Otterberghe, hebbet myt Frederike Vurwighere/ dar an unde over ghewesen, dar zik zyn broder Hynrik Vurwiger, unse knecht, vrentliken heft vor/ gan myt der ebbedischen van dem Lyliendale umme claghe, de he nu to tyden uppe dat closter to tho/ zegghene hedde, dat he ofte zyne kyndere nenerleye claghe uppe dat closter vorscreven hebbet en scho/ let umme de sake vorscreven ofte uppe ere provenere ofte uppe iemende van des closteres weghene. Tho/ eyner vasten betuchnisse zo hebbe wy Hermen van Idzendorpe unde Godeke Rodewolt dorch bede willen/ an beyden tzyden unse inghezeghele hanghen laten an dessen breef, de gheven unde screven is na godes/ bort verteynhundert iar dar na an deme eyn unde twynteghesten iare, des ersten zondaghes an der/ Vasten.
Public Domain Mark 1.0 Universell