Äbtissin, Priorin und Konvent des Klosters Lilienthal verkaufen der Sophie, Witwe des jungen Johannes von der Hude unde später des Johannes von Wersebe anders gen. Loyke, und der Nonne Mette von Schönebeck die Rente von einer Mark, die nach dem Tode beider dem Kloster zufallen und als Memorienstiftung dienen soll. Ausfertigung Pergament, 24 x 18 cm. - Rep. 3 Lilienthal, Nr. 347. - 3 Siegel angehängt, fehlen. Wy Margareta ebdesche, Alheid priome unde dat ganse convent des closters Unser/ leven vrowen to deme Lyliendale bekennet unde betughet openbare in dessen breve, dat/ wy eyndrechliken unde myt guden willen vorkoft hebbet un vorkopet in dessen breve/ der erebern vrowen vorn Sophyen, de wandages echte husfrowe was des junghen Jo/hannes van der Hude unde Johannes van Wersebe andres gheheten Loyke, knapen, dat en/ god gnedych zy, unde vorna Metten van Schonebeke, unser gheisliken sustere, vor achteyn Bremer/ mark, de uns degher unde al betalet synd unde unses closters nuth unde bederf witliken ghe/komen synt, eyne ewige mark iarliker gulde penninge, alzo to Bremen ghinge unde gheve/ synd, de wy en scholet unde willet gheven unde betalen alle iar twisschen sunte Michelis unde sunte/ Mertens hilgen dagen ute unses closters gude sunder lenghere vortoch de wile se beide/ eder erer eyn levet. Wanner se aver van dodes wegene af ghegangen synt unde nicht eer/ so schole wy unde willet de mark iarlikes unser kemereschen to der tiit under uns delen laten/ unde vem Sophyen vorghescreven erer elderen unde vrunde, de des to rechte lon hebben scholet unde/ by namen Johan unde Johan vorghescreven eyne memorien unde beghenknisse bestellen unde don/ nach wontheid unses closters unde enfaed se in unse broderscop delaftich to wesende alle/ unser gheistliken werke nach utwisinge unses orden. To kuntscop zo hebbeb wy dessen bref ghegeven/ beseghelt myt unseme inghesegele na godes
Public Domain Mark 1.0 Universell