Kloster Lilienthal bestätigt, dass Herman Frederikes, Johann Brun und Aleke Olenstede zugunsten der Kellerei des Klosters für insgesamt einhundert Mark einen Besitz, der aus sechs Stücken besteht, mit der Hofstelle (were) in Oberneuland gekauft und als Memorienstiftung vermacht haben. Ausfertigung Pergament, 22,5 x 13,5 cm. - Rep. 3 Lilienthal, Nr. 505. - 2 Siegel angehängt, 1. fehlt: 2. Konvent Kloster Lilienthal, Bruchstück, restauriert. Wy Alheid, ebdissche, Ghese, priorne, unde dat gantze convent des closters sunte Marien tom Lyliendale/ bekennet unde betughet openbear in dessem breve vor uns unde unse nakomelinghe, dat Hermen Frederikes,/ Johan Broun unde Aleke eOlenstede, unse proveners, hebben ghekoft vor hundert Bremer mark, welker/ vorscreven summen gheldes heft utghegheven Hermen Frederikes viftich mark, Johan Broun vif unde twintich/ mark unde eOlenstede vif unde twintich mark, en gud van Frederike Koghelken unde Reynworde, sinem brodere,/ borghere to Bremen, gheleghen tom Overnyenlande myt der were unde heft vif stucke landes, de ligghen/ by Ghernea seud der kerken by des kerkheren heus dar sulves ynt ostene, de nvu to tyden buwet Hinrik Beneken,/ unde en stucke landes gheleghen uppe desse siid der kerken by Steockes hus ok ynt ostene, dat nvu to tyden/ de sulve Steock buwet, myt aller rechticheit unde tobehoringhe na utwisinghe des hovetbreves, den wy/ dar up hebben, eut ghesproken, dat seste stucke, dat Steock buwet, dat ghift tegheden. Welk vorbenante gud/ myt aller rechticheit unde tobehoringhe na openbaringhe des hovetbreves alze vorscreven ys Hermen/ Frederikes, Johan Breun unde Aleke eOlenstede erbenant hebben ghegheven unde gheven ieghenwardich in/ dessem breve myt unsen willen unde vulborde unde unser nakomelinghe in de kellerye unses closters/ to ewighen tiden de vorscrevene kellerye mede to beterende in desser nabeschrevenen wise, dat de
Public Domain Mark 1.0 Universell