Archivale

Kaiser Karl IV. bestätigt, dass Pfalzgraf Ruprecht der Ältere bei Rhein dem Meister und den Brüdern des Deutschen Ordens zu Mergentheim den von ihm gekauften, vormals Oppenheimer Juden gehörigen und gegenüber der jüdischen Schule gelegenen "Weynantshoff zu Spanheym" in Oppenheim mit kaiserlicher Zustimmung geschenkt hat, und gebietet allen Ständen des Reiches bei einer Strafe von 50 Goldmark diesen Besitz ungestört zu lassen.

100,001/Urkunden, 0469

1378 März 9

100,001/Urkunden 100,1/Urkunden

100,1/Urkunden

1378 März 9 (Mergentheim)

Darin: Wir Karl von gotes gnaden Romischer Keyser zu allen zeiten Merer des Reichs und Kunig zu Behem Bekennen und tun kunt offenlichen mit diesm brieve Allen den die yn sehent oder horent lesen Wann der hochgeborne Ruprecht der Elter Pfaltzgrave bey Reyne des heiligen Rey- ches oberister Truktzesse und Hertzog in Beyern uns[er]n lieber swager und Furste den Ersamen und Geystlichen Meister und Brudern unsern Frawen Orden des Spitals von Jherualem des dewtschen Hawses nemelichen in dewtschen landen unsn lieben Andechtigen wy besundern freuntschafft die her tzu demselben Orden hat eynen Hoff unsern und des Reichs Stat zu Oppenheim gekawfft und yn den mit unserm wissen und willen geben und sie des auch von unsern und des Reichs wegen in nutz und gewere von unserm sunderlichen geheisse ge- gesetzet hat denselben hoff man nennet Weynantshoff von Spanheym der etweinen der Juden doselbsit zu Oppenheym gewesin ist. Und gen der Juden Schulen uber gelegen ist. Dorumb mit wolbedachtem mute rechtem wissen und keyserlicher macht durch sunderlicher gunst und liebe willen die wir zu demselben orden haben und auch dienste und trewe die der Meister und Bruder desselbin Ordens uns und dem Reiche allewege williclichen ertzeigen haben wir den Meister Brundern und Orden in dewtschen landen den egenannten Weynantshoff zu Oppen- Heim als der uff alle seyne orter begriffen und yngegebin ist, gnediclichen vorschriben geeygent und gefreyhet vorschreiben eygen und freyhen yn den in krefften ditz brieves. Also daz eyn iglicher Meister Bruder und der egenanten orden denselben Hoff als weyte her be- begryffen ist haben halten und auch den Bawen mugen wie yn daz allernbeste fugen wirdet. Und sie sullen den besitzen und alle und ig- liche gnaden rechte und freiheit dorynne halten und der gebruchen ewiclichen mit den ander ne Hove und Hewser in dem Reiche von Bebsten, Romischen Keysern und Kunigen wreygent begnadet privilegieret und gefreyhet seyn und als sie der in andern nen Hewsern und hofen gebruchen. Und sal sie doruber nyemand besweren hindern oder inen in # dheinemweys. Auch sullen die genanten Meister Bruder und Orden von wegen des obgenanten Hawses und Hofes unsern und des Reichs Burgmannen zu Openheim seyn heissen und bleiben ewiclichen und sullen auch uber suliche vorgenanten privilegia gnaden Rechte und freiheit mit den derselbe orden seyne Hew- ser und Hove von Bebsten Romischen Keysern und Kunigen furmals begnadet und gefreihet seyn. Allern guten gewonheite gnaden rechte und freyheite allewege gebruchen haben und genyessen die ander unsern und des Reichs Burgmanne zu Oppenheim gewessen und herbracht haben Denen gebieten wir allen und iglichen Fursten geistliche und werltlichen Graven freyhen dyenstlewten Ryttern Knechen Stecken [Sterken] und allen andern unsern und des Reichs lieben getrewen In welicherley Adel wirden oder wesen die seyn ernst- lichen und ursachlichen bey unsern hulden daz sie die vorgenanten Meister Bruder und Orden an dem egenanten Hofe zu Oppenheim wider diese gegenwertigen eygenschafft Recht gnaden und freiheit nicht hindern oder inen in dheinemweis und were is sache daz yemand wer der were dowider tete und die vorgenanten Meister Bruder und Orden doran frevelichen hinderte oder inete [?] der sal zuhaut und als dicke [duke] daz geschiet fumfftzig mark goldes vorvallen seyn. Die halb in unser und des Reichs Camer und daz ander halbeteil den obgenanten Meister Bruder und Orden unleslichen gevalen sullen. Mit Urkund ditz brieves vorsigelt mit unsern keyserlichen Maiestat Ingsigel der geben ist zu Mergentheim noch Cristes geburte Dreyzehenhundirt Jar dornach in dem achtundsibentzig[st]en Jahre des nehesten Dinstages noch dem Suntage Invocationis Unsern Reiche in dem tzweyunddreyssigsten und des Keysertums in der dreyundtzwentzigsten, Jaren. De mandato Dominus Imperatoris Nicolaus Canntenensis propositus

Enthält: der geben ist zu Mergentheim noch Cristes geburte Dreyzehenhundirt Jar dornach in dem acht und sibentzig[st]en Jahre des nehesten Dinstages noch dem Suntage Invocationis Unsern Reiche in dem tzwey und dreyssigsten und des Keysertums in der dreyundtzwentzigsten, Jaren

niederdeutsch

Archivale

Rückvermerke: Rückvermerk: "R. Wilhelmus Kortelangen."

Sortierdatum: 1378-03-09

Archive in NRW

CC0 1.0 Universell

Objekt in der Deutschen Digitalen Bibliothek

05.11.2025, 15:48 MEZ