Archivale

Johan Kobbe aus Wurthfleth verkauft dem Kloster Lilienthal für fünfzehn Mark wiederkäuflich die Rente von einer Mark aus seinem Lande mit der Hofstelle (were) auf dem Felde zu Wurthfleth by der Helmer. Ausfertigung Pergament, 29,5 x 23 cm. - Rep. 3 Lilienthal, Nr. 564. - 4 Siegel angehängt, 3. fehlt: 1. Johann Kobbe, 2. Arnd Kobbe, 4. Hinrich Stenowe, die Siegel 1. und 4. von braunem Wachs in gelber Schüssel, 2. von grünem Wachs. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 361 nach +Kopiar Lil. II, 149, Nr. 279. Ick Johan Kobbe to Wurfflete wonhafftich bekenne unde betughe opembare in dessem breve, dat ick myt wyllen unde vulbeordt alle/ myner erven hebbe vorkofft unde vorkope to eynem steden vasten ervekope unde lathe vorth in de besittinghe, egendum unde were/ in crafft dusses breves der erbaren gestliken vrouwen Gertrude, ebdissche, unnde deme gantsen convente des closters thome/ Lylyendale, Bremessches stichtes, unde eren nakomelingen offte deme holder dusses breves vor vyfftein Bremer marck, alse tho/ Bremen vor der wesselle genghe unnde gheve unde my deger unde all to wyllen wol betalet sindt, jarliker renthe unde thynse eyne/ Bremer marck in unde uth mynem helen lande unnde der were gelegen uppe deme velde to Wurtfflete by der Helmer up in dat/ suden unnde vorth in unde uth dessulven helen landes unnde der were slachtenuth, rechticheyt unnde tobehoringe in mathen,/ so id aldare gelegen unnde begrepen ys, nichtes utesprokenne, alle yaer in den achte daghen sunte Michaelis sunder lenghere/ tyd hinder unde vortoech to betalende. Unnde ick Johan Kobbe vorbenompt unnde myne erven wyllen unnde schullen der erben(anten)/ vrouwe Gertrude, ebdisschen, unnde deme gantsen convente tome Lylyendale unnde eren nakomelingen offte deme holder/ dusses breves vorscreven der vorgerorden jarliken renthe unnde thinse eyne Bremer marck

NLA ST, Rep. 3 Lilienthal, Nr. 564

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

31.01.1489

Enthält: in unnde uth mynen helen landhe/ unde der were unde eren rechticheyden unde tobehoringen warende wesen unnde gude rechte warschup dhoene vore alszweme, wanne,/ wore unde wo vakenne onne des noet unde behoeff ys unde se dat van uns esschet offte esschen latet sunder unsse weddersprake./ Unnde de sulve vrouwe Gertrudt, ebdissche tome Lylendale, unnde dat gantse convent des closters dar sulves hebben my/ Johanne Kobben unnde mynen erven de gnade hiir anne ghegeven, dat wy de bovenscrevene jarlyken renthe unde thinse eyne Bremere/ marck in unde uth mynen helen lande unde der were unnde vorth uth alle eren rechticheiden unnde tobehoringen mogen wedder/ kopen alle yaer uppe sunte Peters dach, alse he uppe den stoell gesettet waert, wo wy on den wedderkoep thovoren vor/kundigen in den twolff hilligen dagen to Wynnachten denne negest kamende vor deme vorscrevenen sunte Peters daghe,/ alse wy den wedderkoep doen wyllen, unnde dar na uppe sunte Peters dach on unnde eren medebenompten bynnenn/ Bremen up eyner sekeren stede bereden, vornogen unde betalen de vorgescrevenen vyffteyn Bremer marck myt alle den/ nastanden renthen unde thinsen, offt der welck upgeslagen unnde nicht uthekamen weren, tosamende in eyner helen/ summen. Were ock aver sake on sodanne renthe unde thinse in mate, so vorscreven steyt, to willen nicht vornoget unde betalet/ wurde, dat qweme to wo dat to qweme, dat god nicht en wylle, denne mogen se sick holden an dat vorscrevene hele landt unde/ an de were myt aller rechticheyt unde tobehoringe, de fflocken unnde flusen unde vore ere egenne beholden beth so langhe/ on sodanne renthe unde thinse myt deme hovetstole to samende to willen wol vornoget unde betalet sin sunder my Johanne/ Kobben unde myner erven offte yemandes van unsser wegenne weddersprake, insaghe unde ovelen moeth. Alle articule/ sampt unnde eynen jewelyck bysunderen lave ick, Johan Kobbe

Enthält: vorben(ant), vor my unde myne erven der vilbenompdenn/ vrouwe Gertrude, ebdisschenn unnde deme gantsen convente des closters tome Lylyendale, Bremessches stichtes, unde/ erene nakomelingen offte deme holder dusses breves vorscrevene in guden truwen stede vast unnde unvorbroken woll tho/ holdenne sunder alle argelist, hulperede unde nygefunde. Des to tughe hebbe ick Johan Kobbe vorben(ant) vor my unde/ myne erven myn rechte ingesegell thovoren witlyken to dessem breve ghehangen. Unnde went desse boven screvene ervekop/ mit der gnade des wedderkopes in maten, so vorscreven steyt, myt mynen wetende willen unnde vulbordt ys gheschen, so/ hebbe ick Arndt Kobbe, des sulven Johan Kobben vader, myn rechte ingesegel ock to dessem breve ghehangen. Unnde desses/ tho merer wytlicheyt unnde tuchenysse der warheyt so hebben wy Johannes Rode, decretorum doctor, domprovest/ der hilligen kercken, unnde Hinrick Stennouw, borgermester der stadt Bremen, umme desz vilbenompten Johan/ Kobben unnde Arndt Kobben, sines vaders, bede wyllen unsse ingesegele ock mede to desseme breve ghehanghen. Ghegeven/ unnde screvene nach Christi geburdt unsses herenn dusent verhundert dar na in deme negen unde achtentigesten jare,/ des sonnavendes vor Unsser leven vrouwen daghe Purificationis.

Verzeichnung

Gertrud [Zierenberg], Äbtissin Kloster Lil. (1468-1489)

Bremen, Domkapitel-Kirche

Kobbe, Arnd

Public Domain Mark 1.0 Universell

Objekt in der Deutschen Digitalen Bibliothek

16.06.2025, 13:30 MESZ