Das Lambertistift zu Oldenburg erhält von Frau Mette von Südholte noch eine weitere Sicherung für die rechtmäßige Ausführung des Vertrages der vorigen Urkunde Urk. Nr. 19. Dekan und Kapitel zu Oldenburg verpflichten sich für den Fall, dass diesen die vier Landstücke wieder abspenstig gemacht werden sollten, den Kaufpreis innerhalb Monatsfrist zurück zu zahlen, indem sie sich eventuell der gerichtlichen Einklagung desselben unterwerfen und die Kosten des Verfahrens zu ersetzen versprechen. Vor allen luden, de dessen bref zeth ofte höret lesen, bekenne wy vor Mette wandaghes husvruwe Lippoldes van Sutholte, Bertram unde Lippolt brodere, des zulven Lippoldes kindere, knapen, unde betughet openbare in dessen zulven breve, dat wy hebbet ghelovet unde lovet in ghuden truwen mid zammenderhand in dessen breve den erafteghen heren den dekene unde capittele der kerken to Oldenborch, were dat ze yemant beclaghede ofte anspreke limine de ver stucke landes, de wy em vorkoft hebbet uppe den esche to Oldenborch, unde em de bysprakede unde afdedinghede, dat queme to, wo dat to queme, dat um de afghinghen unde ze dar uth entweret wurden, dat wy em dan scolet unde willet de elven marck, also to den tyden in der herscap to Oldenborch ghinghe unde gheve zint, wedder gheven unde betalen binnen ene mante darna, wanner wy dar umme van em ghemanet wurden, zunder yenegherleye wedderzaghe, vortoch unde arghelist. Were ok dat wy des nicht en deden unde en er ghelt nicht wedder en gheven binnen ene mante, alze her vorghescreven steyt, unde dat ze uns dat mid gherichte afvurderden, dat were in ghestelken ofte in warliken, dat moghen ze don anen Unsen ovelen mot, wat ze dan dar umme vor deden unde uthgeven in kost unde in arebeyde, dat scole wy unde willet em deghere unde altomale weddergheven unde betalen, den lesten penning mid den ersten. Alle desse vorscrevene stucke hebbe wy vor Mette, Bertram unde Lippolt vorghenompt ghelovet unde lovet in truwen mid sammenderhanth in dessen breve den vorscrevenen heren, den dekene unde capittele der kerken to Oldenborch stede unde vast to holdene untobroken, zunder yenegherleyehande arghelist, unde betughet tath mid unsen inghezeghele ghehanghen to dessen breve, de [..., folgt die Datierung]. 1375 Juli 24 (na godes bort drutteynhundert jar in deme vyve unde seventeghesten jare in den hilghen avende zunte Jacopes des hilghen apostels)
