Archivale

Luder von den Hesen und seine Frau Jutte sowie ihr Sohn Merten und dessen Frau Gysle verkaufen dem Kloster Lilienthal für dreißig Mark ein aus mehreren beschriebenen Stücken bestehendes Viertel in Uthlede, dessen Zehnt dem Kloster gehört und das von Hermann de Pilsere bewirtschaftet wird. Ausfertigung Pergament, 63 x 32 cm. - Rep. 3 Lilienthal, Nr. 310. - 7 Siegel angehängt, 1., 4., 5. und 6. fehlen, die übrigen von grünem Wachs, beschädigt, restauriert: 2. Merten von den Hesen, 3. Kersten von (den) Hesen, 7. Luder von den Hesen (möglicherweise bei Restaurierung an diese Stelle gesetzt). - Rückvermerk: L(ittera) der Ostersteding(er) in Utlede erve gut (16. Jh.). - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 237 nach +Kopiar Lil. II, 149, Nr. 287. Wy Luder gheheten van den Hesen unde Jutte, myn echte husvrowe, unde Merten, myn sone, unde vor Gysle, mynes sones echte husvrowe, bekennet unde betuget apenbare an dessen ieghenwardigen breve, dat wi/ myt willen unde vulborde alle unzer erven unde alle der ghener, dhen dyt antret odder antreden mach, hebbet vorkoft unde vorkopet in dessen breve to enen rechten steden ewighen erve kope den erbaren gestliken/ juncvrowen vorn Grethen, der ebbedisschen, unde den ganzen convente des closteres to den Lyliendale unzen verdendel lannes myt aller rechticheyt unde tobehoringe, alze dat gheleghen is weghelikes unde unwegelikes/ up den velle to Uthlede, beyde an gest unde an mersch, vor vry goued, nicht uthesproken zunder allene den thegeden, de des closteres to den Lyliendale hord, vor dortech Bremer marc, de uns degghere unde al na willen/ wol betalet zunt an goueden gyftighen gelle unde nu to tyden buwet Hermen de Pilsere. Unde des vorebenomden verdendeles gouedes licht to den ersten up der gest en acker by der lantwere by Sebeken breden unde by/ der anderen syde licht Merten van

NLA ST, Rep. 3 Lilienthal, Nr. 310

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

23.04.1399

Enthält: Gropelinghe; enen krummen acker, dar licht by des stichtes goued uppe de ene syde; unde en acker by der anderen side, dede hort to Cobben gouede; en bred stucke, dat licht to den ende/ desses vorebescrevenes ackers, dat licht by des kerkheren en stucke; uppe den Boren en stucke, dar licht by Luder Cordes sone myt eneme stucke; en stucke, dat het eyn sten brede, dar licht by Luder van den Hesen; en/ cul acker, dar licht by Hermenes goued van Stendorpe unde des stichtes goued by der anderen side; en stucke, dat het en brede, de licht uppe den Wolde, dar by licht des closteres goued to den Lyliendale unde Luder van den Hezen;/ enen acker, de het de Langhe Acker vor den molen pade, dar licht by Merten Luderes sone unde des stichtes guoed; eyn stucke, dat het de Redessce Hop, dar licht by Luder van Gerlstede unde Merten Luderes sone; enen halven clif/ acker, de licht twusschen Mertens Luderes sone unde Luderes van den Hezen; eyn stucke dat het en bloc to deme ende des hanckampes, dat licht twusschen Luder Cordes sone unde Hermenes van Stendorpe gouede; enen he/len hanckamp, de licht twusschen Ludere van Gerlstede unde des stichtes gouede inne; enen bloc by den Wourtvleter weghe to deme ende; den lemiarden an der mersch, en knehorn, enen scarpen camp unde ene hoge horst, dar/ licht by to Albern Yden sone; enen halven strenck by Mertenes goued van Gropelinghe unde by Ludere Cordes sone; en stucke, dat het en les wisch, dar lich by Mertenes goued van Gropelinghe; ene hud wisch, de lich[t] twuschen Lu/deres gouede van den Hesen; ene halve hud wisch, de licht by den kercheren; ene oken by den Ger werve; en stucke, dat het en Luttich Oke, dar licht by des stichtes goued; en vorlinch stucke, dat licht by ener breden by Ludere/ Hesen; eyn vorlingh stucke by ghene zid Glezinghes hus, dar licht by Mertenes goued van Gropelinghe; en vorlingh stucke by Quetzenberghen hus; enen

Enthält: doreghan[c] dor dre campe, dar licht by Luder van Gerlstede achter/ Broutten hus; en stucke, dat het en half hencke, dar licht by Luder van den Hesen; enen acker achter Scheven Ludekere hus, dar licht by Luder van Gerlstede myt twen halven ackeren; enen acker over en stucke by der Lut/teken Pypen, dar licht Sebeke by; ene halve ers breden; eyn stucke, dat het de Eydewich, dar licht Mertenes goued Luderes sones; enen byvingh by Sebeken gouede; enen groten ant, dar licht by Merten Luderes sone; enen/ acker, de schut uppe den Gronen dik, dhe licht by des closteres gouede van Osterholte by desse syd der Crummen Helmeden; en stucke, dar licht by Luder Cordes sone unde by Cobben Breden an den Middelkampe dar en ieghen over;/ en stucke, dar licht by Cobben unde Mertenes goued van Gropelinghe an den Middelkampe; enen doreghanc dor twe campe des Lamen Johannes goued van Wersebe; en stucke an den Oversten Wannen twuschen Johanne Punne unde Luder/ Mertenes sone; ene mene under cleve. Desse vorescrevene verdendel myt allen gouede unde tobehoringe dat hebbe wi ghelaten unde lated an dessen breve den vorebenomden iuncvrowen to den Lyliendale in de were unde bezittinghe,/ alzeme vryes erve gouedes were unde bezittinge to rechten latene plecht. Unde wy unde unze rechten erven scolet unde willet den vorebenomden juncvrowen des zulven gouedes myt alle ziner rechtigeyt unde tobehort rechte warende/ wezen vor boren unde aneboren, wanne unde wor unde wo dicke em des noed is unde ze dat van uns esschet odder esschen lated, dat love wy an goueden trouwen stede vast truweliken unde unverbroken to holdene zunder ienegher/leye nyevunde, hulperede unde arghelyst. Unde hebbet desser vorescrevenen stucke to tuchnisse unze inghezegele witliken unde myt goueden willen hangen to desen breve. Vortmer wy Kersten van Hesen unde Merten van/ den Hesen to Rechtebe, Frederic unde Merten, brodere gheheten

Enthält: Brouten, Luder van Gerlstede bekennet unde betughet a an dessen breve, dat desse vorescrevene cop myt unzen willen unde vulborde gheschen is unde/ lovet des rechte warscup mede to holene alze hir vorescreven is. Unde hebbet des to tughe unze inghezegele witliken unde myt goueden willen ghehangen to dessen breve. Gheven unde screven na ghodes bord duzent iar/ dre hunnert in den neghden unde neghentegesten iare, des hilgen dages sunte Jurian des hogen lovenden hilgen matileres. a Vorlage hat betughuget.

Verzeichnung

Boren, FN in Gm. Uthlede

Ger werve, FN in Uthlede

Hesen, Kersten von (den)

Public Domain Mark 1.0 Universell

Objekt in der Deutschen Digitalen Bibliothek

16.06.2025, 13:30 MESZ