In addition to the technically required cookies, our website also uses cookies for statistical evaluation. You can also use the website without these cookies. By clicking on "I agree" you agree that we may set cookies for analysis purposes. You can see and change your cookie settings here.
Testament der Katharina Kattenbusches („Borgerskind“) vom 14. Februar 1605, verkündet am 12. September 1625.
Enthält: Als Erbe wird eingesetzt Hans Schrader von Dissen. Sie hat eine Halbschwester, Frau Teepe und deren Sohn Johan. Sie will begraben werden auf Lambertikirchhof bei ihrer Mutter, ihrem Bruder Johan und ihrem Kind. Das Testament ist von ihr in plattdeutscher Sprache geschrieben. Zeugen: Henrich Langen und Arnold Kerstiens. Von Rats wegen: Johan Herdingk (Salzstraße). Transkription: Testamentum der Catharinen Catten- busche Publicat: Anno: 1625 den 12ten Septemb. 94 Inn goddes nhamen amen. Kundt vnnd apenbair, sy allenn vnnd ydermenlich, denn dusse dysposytyoen, vnnd breiffliche oirkunde, worth vorkommen, dat yck Cathryne Kattenbussches, borgers kyndt der stadt Munster, vth verlienunghe godes allmechtych, vnd myner synne vnd ver[n]unfft, vnd guder gesundtheit, vnd woll bedachttenn gemott, dat yck dat myne mechtych sy, tho geuen wenn ycket gunne, so hebbe yck vth woll vorbedachten, rade vnnd bedenckent, by my betrachttet, datt allemenschen, vp erdenn, nycht gewyssers vp gelieggett ys, dan der doeth, auerst dat nicht vnseckers sy, dan der stunde des doedes dar mytt yck dann eyne vprychttyge vnd ardynunghe eynes mynes lesten wyllenn ader testaments ardynunghe dar mytt na mynen affsteruent den gienen denn yck dat myne gunne ader geue dat de datt na synen geuallen wende ader keren, mach war dat et em geleuett vnd gefaldt na synen wyllen ader geuallens, dytt ys myn wylle vnd begerent na mynen deode ader affsteruent dat dat so gehalldenn werde als hyr ynne nafolgen werdt vnd yck dytt mytt myner suluest handt geschreuen hebbe deß tho fastychlich tho holden. [1.] Vor erst offere yck vnnd beuelle godtt dem hemmellschen vader vnd dem hoichw- erdygher hyllyger drieuoldycheit myne seille dat yck moghe erlangen de ewyghe sallicheit vnnd ynn datt ewyge parredyß amen [2.] thom anderen datt myn doede lych mogge Chrystelych thor erdenn bestadeth werden vnnd begere woll tho Sundt Lambert tho lyghen dewyle als myn leue sallighe moder vnd min sallyge broder Johan vnd myn kyndt dar begrauen lygen so ys myn bogerent wentt mochtte moggelych seyn de wyle yck nu ysset In Suntte Mertens kesspell wonne so bogere yck dar nycht tho lyghen so dat nycht synn mach tho Sunt Lambert so wolden se myn lychnam doch thom broren brengen so bogere ych dar tho lyggen nycht tho Suntmertenn [3.] thom druden bogere ych Cathryne Kattenbussches van dem de dat myne eruet als hyr ynne nafollgen werdt dat me my schall verluden latten, vnd wer ock woll bogeren datme vp myne begreffenysse eynen lyckstien leggenn latten scholl so em nycht tho folle mouies mackede. ------------------------------------------------------------------- 95 [4.] Thom verdenn boger yck, Cathryne Kattenbussches, datt meet dem schall ansegen, dedat myne eruet, er myn lychnam, tho kerhaue gebracht werdt, datde dat verrychte, als yck hyr ynn geschreuen hebbe, Nu der wylle alß yck, gyne susters, ader broder, mer ym leuent hebbe, dan als myn halffe suster, de Teepesche, de hefft my sofolle, wedder werdycheit angedan, dat yck dat myne, eynen wylden fromden, geuen wyll, de my mer gudes gedann, hefft als se gedan hefft. Myn moder hefft er bestadtt, vnd hefft ermett gegeuen na erenn vermogent, dar yck ock min sallyge moder hebbe twyntych ryckes Daler tho gelendt, tho ere bestanysse, dat yck myn moder gebedden hebbe, se scholde erdoch helpen, dat se thom eren queme, yp dat yck eyn, trost an er mochte hebben, wo se my den trost bewysset hefft dat wedt gadt. Myn moder sallyger hedde eynn testamente gemacket, na erre bestanysse, vnd wordt ock vor de heren geoppent, dat genne, dat se noch hedde, dat se my dat vp droghe, vnd tho mynen besten, geuessen scholde, vnd do myn ------------------------------------------------------------------------------- Moder sterffnet, do fengett se eyn proseß mytt my, ann, vnd plunett my, alle myner moder tuch aff, vnd moste alle schade geldt, er dar ock erleggen, tho mynen grossen schaden, yck wonde vth der stadt, dat yck versumett wendt dar wumme so schall, se hyr vth geslattenn syn, vnd dat myne geuen, wen ycket gunne gunne, nu ych wyllt ervergeuen, vnd se bydde godt allemechtych, de eyn erkenner ys aller herssen, dat der er ock vergeue, de wedder werdycheit, de se my gedan hefft. Nu for erst bogere yck, dat meschall, vyff scheppell roggen, wunners Gades wyllen, geuen, vnd verdelen, vyff huß armen frouwen, de syck bydden schemet, eyn yder eyn hallff scheppell, yn der ergades, synne hyllyghen fyff wunden, vnd dan noch, dre armen ge- der erder hyllygen drie foldycheit, eyn yder eyn halff scheppell, vnd dat fyffte scheppell mogget se woll, dat geldt vorgeuen, datt arme lude syndt, de syck bydden schemett, watt dan myn erue mer doet dat steidt by em, myn erue de schalt dytt vor rychten, als yck hyr yn dussen testamente geschreuen hebbe, vnd nafolgenn werdt, -------------------------------------------------------------------------------- 96 Nu so wyll ych dan noch, dorch Chrystylich leue myn halffe suster, de Teepesche, vnd eren sonne Yohan, eyn yder eyn halffen daler geuen, vnd dar mytt schaldt gudt seyn, so se noch ym leuent syndt, sunst schall myn erue nycht yth geuen vnd offte syck myn, halffe suster, wolde fell tho donn macken, vnd syck vp lennen yegenn denn, de dat myne eruett, so schall se nicht hebben, vnd schall hyr ganß, vth geslatten syn, sunst hebbe yck geschr[e]uen dorch Chrystylych leue eyn halffen daler, dar mett schaldt gudt synn. Ick Cathryne Kattenbussches, sette Hanß Schrader van Dyssen [Dissen] gebaren, dem sette yck thom erue, vnd besytter, allent dat yck hebbe, vnde krygenn werde, mynen garden, vnde bosegelen breue vnd handt schryfften, vnd myn huß geradt, dat sy wienych ader felle, als my dan gadt verlient hefft, dat sy bedde kussen, fynwerck kettell potte, halle brandt- roden roster, tangen schoffell, myn sytten schrene, vnd allent dat dar ynne ys, myne rocke (kra) kragen mouwen, vnd allent dat tho mynenn lyue gehordt, myn gardels, bedde vnd beddesteden, taffell stole vnd allent dat ych hebbe vnd krygen werde, dat mach Hanß, Schrader van Dyssen, lassen ---------------------------------------------------------------------------- 96 Mar dasset em geleuett vnd gefaeldt, na synen wyllen vnd gefallent, nu der wyle als ych sett Hanß Schrader, van Dyssen, thom erue vnd besytter allent dat myne, dat yck hebbe vnd krygen werde, deß schall Hanß Schrader, van Dyssen, dem ych thom erue gesadt hebbe, de vnkostenn my myner begreffenysse, vnd alles des ych hyr yndussen testamente geschreuen hebbe, mytt den armen luden, vnd myt myn halfe suster dat schall he so ver rychten, als hyr yn berouet ys vnd nafolget. Nu dat bouele yck, Hanß Schrader, vp syn lyff vnd selle, dat he vor dem, antlaedt gadt deß allemechtychgen, dat he an yennen daghe, dar wyll reckenschop, van geuen, dat Hanß dat so verrychte, als he my gelauet hefft, vnd offte dar yumanntes were, fan myner verwanten, den yck nych hyr yn gesadt hedde, de sych wes anmatten konde, denn soluygen sall men, ens vor all geuen, eynen schrycken- berger, dar myth schaldt gudt syn vnd nycht mer. ------------------------------------------------------------------------------ 97 Vnd da dieser myn lester wylle nich fur eynn kundich ader zirlig testament ienger mangell dat solleue nit bestahn kont so wolte ych dannoch das es fur eyn Codicyll ader eyn gyffte die vmb vrsache des todts geschein plecht ader sunst eyner anderen gestalt so zu rechte zulestyg mochte auff vnd angenhomen werden Jedoch forbeholtlich dar ych dussen mynen lesten wyllen yn kumftych worde enderen mynner edder meren den soluygen by aff- ader zu- setzen dat solkes gelyks kundych geachtet und gehalden werden scholde ym yar dußent ses hundert vyff am ferteynden dach Feffbruary Cathryne Kattenbussches
CC0 1.0 Universal