Graf Anton I. von Oldenburg und Graf Enno von Ostfriesland setzen die Bedingungen fest, unter denen den aus Butjadingen und Stadland Vertriebenen (Ballingen), nachdem ihr Heimatland infolge des Utrechter Vertrages endgültig Oldenburg überlassen ist, wieder zurückkehren und in ihren Besitz eingesetzt werden. Why Anthoni regerender grave und her tho Oldenborch und Delmenhorst bekennen und doen kundt voir uns und unse erven und nhakommen. Nachdem tuschen den wolgebornen und edlen hern Edtzarten graven tho Ostfrieslandt etc. eyns und den wolgebornen heren Johansen graven tho Oldenborch und Delmenhorst unserm frundtliche leven heren und vader twyspoeldt und yrdumb der Butyadinger und Stadtlanden gewesen, derhalven itliche uth idtz gemelten landen ballinge geworden und van den eren geweken und nhu nha Godts des almechtigen vorhengnus sulche unenicheit dorch konyncklyke mayestet tho Denmarken und dem graven tho Buyren unser gnedichsten hern und leven ohmen tuschen den wolgebornen und edlen hern Enno graven und hern tho Oistfrieslandt unserm frundtlichen leven swager und unsz frundtlich voirlecht und wechgenomen, dat wy den ballinge beyder landen fryges handels thogestain und nhagelaten hebben, se alle erhe guedere, landt, sandt, wo se des entsettet syn geweest, und volkomen wederumb besitten, gebruicken, vorsetten, vorkopen oder vorhuren mögen, als se des voirhen macht gehat und genoten heben, des gemelten ballinge de huirlude, de yetzundt up eren guederen huser gekofft oder gebouwet, sulche behusung umb redeliche werde wedderumb vorkopen und wedderumb thostain solen eder affbreken und up ander erde bouwen. Esz sollen unsz overst dusse ballinge gelich den anderen beyder lande unseren underdanen und inwonern van erhen körne teynden geven; up sundrige furdering averst und frundtlich gesinnet des wolgeborn unsers frundtlichen leven swagers tho Ostfrieslandt etc. bewylligen wy kegewartigen hiir nha vortekenden ballingen, nemlich Releff Ditzen, Stittert Fickzen, Sybet Durszen, Harrinch Detzen, Harke Detzen, Meynerdt Adeckzen und Rickleff Knoip sampt eren gebroderen und kinderen, de want tho dusser tydt noch unvorsonet gebleven synt, teyn negestfolgende jair sulcher teynde erns egenen landes, als se under erer ploch beslann und gebruiken, fry, ledich und unbeswaert sollen syn. Nha dusse voirruckte teyn jaren sollen se uns und wyllen van eren herden, egenen ploech und wat se sulvest gebruiken eder gebruiken laten, geliick den anderen eren teynden geven, doch meth den beschede, dat se erhe korn, wenneer ene gelegen is und even kumpt, inforen mögen laten, wo unsen vogeden sulchs voirhen vorwitticht, und uns alsdan unsern teynden up den acker lathen, des se van uns eder unsern vogeden unverhindert syn sollen. Tho dem und boven dyt allen hebben wy offtgemelten vornenden seven personen ballingen und eren erven up hoechgemeltes unsers frundtlichen swagers anliggendt vorlaten, se uns myt denste eder scattung nicht sollen vorplicht syn, uthgesloten so unsern gemenen landen wes anlege, dair tho wy generalcontributien eder stuyr nhemen lethen, solen se der sulvigen nicht vorhaven syn, sunder dennoch gnediglich aversehen werden. Den anderen medeballingen, de noethrufft halven in tydt der twyst wederumb in de lande getogen, syck vordragen und meygerrecht angenomen, hebben
