Archivale

Gherlich de Swarte, seine Frau Mechtold und die Söhne Rippe, Johann, Gherlich und Albern verkaufen mit Zustimmumng von Reyner, Johann, Gherlich, Albern, Hinrich und Volquin, alle geheißen de Juchtere, dem Kloster Lilienthal für fünfundzwanzig Mark ein Viertel zu Neuenhuntorf (Hunttorpe by der Berne,), das Gerke Vlade als Meier bewirtschaftet. Ausfertigung Pergament, 38,5 x 21 cm. - Rep. 3 Lilienthal, Nr. 374. - 12 Siegel angehängt, 2., 3., 5., 6., 9., 11. und 12. fehlen: 1. Gherlich de Swarte, 4. Gherlich de Swarte jun., 7. Johann de Juchtere, 8. Gherlich de Juchtere, 10. Hinrich de Juchtere. - Rückvermerk: Kersten Mas (16. Jh.) Ik Gherlich de Swarte undc Mechtold, myn echte husvrowe, Rippe, Johan, Gherlich unde Albren, ere sones, bekennet unde bethughet openbare in dessem breve vor alle den, de ene seen/ eder horen lesen, dat wy myd vulbord unde guden willen Reyners, Johans, Gherlighes, Alberns, Hinrikes unde Volcquines, alle gheheten de Juchtere, unser swagheres, unde alle/ unser unde erer rechten erven, boren unde ungheboren, hebbet vorkoft unde vorkopet in dessem breve ewighes steden vasten ervekopes eyn verdendel landes myd alle siner/ tobehoringhe unde rechticheyt unde nout unde eghendome, dat gheleghen is an deme dorpe to Hunttorpe by der Berne, dat nou to tyden buwet Ghereke Vlade in meyer wise,/ der erwerdighen vrowen vor Lutgarde, ebbedisschen to dem Lyliendale, unde ereme clostere unde alle eren nakomelinghen to ewighen tyden vor vri eghene erve gut to/ besittende unde to beholdende vor vif unde twintich Bremer mark, de uns degher unde al na unsem willen wol betalt unde beret sint. An dessem vorscreven lande unde gude,/ tobehoringhe unde rechticheyt unde eghendome na dessen daghe wille wy unde alle unse rechten erven, boren unde ungheboren, nicht rechtes noch eghens dar nicht/ mer ane hebben ofte ane vorderen myd aller behelpinghe, de men in

NLA ST, Rep. 3 Lilienthal, Nr. 374

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

23.04.1419

Enthält: wertliken eder in gheystliken rechte soken mochte, unde latet dat verdendel landes myd/ sinen rechte, tobehoringhe unde eghendome ghensliken uth unser were unde besittinghe in de were vor Lutgarde, ebbedisschen, eres closters to dem Lyli/endale unde erer nakomelinghe vorghescreven to ewighen tyden vor eres closters vrie eghene erve gout to besittende unde satet se dar yn myd dessen breve/ unde hebbet en dat ghensliken to ewighen tyden to beholdende unde to besittende up ghelaten up deme kerkhove unde vor deme gantzen kerspele to Hunttorpe/ in aller wise unde rechte, alze men vry eghen ervegut to vorlatene plecht. Vortmer wy Gherlich de Swarte, Mechtold, myn husvrowe, Rippe, Johan, Gher/lich unde Albern, ere sones, Reyner, Johan, Gherlich, Albern, Hinrik unde Volcquin de Juchtere, ere swaghers, unde alle unse rechten erven, boren unde ungheboren/ vorscreven, schole unde willet vor Lutgarde, ebbedisschen, unde ereme clostere unde eren nakomelinghen vorscreven desses vorscreven verdendels landes myd siner tobehorin/ghe rechte warent wesen sunder eren schaden, wor, wanner, wo dicke em des neot behof unde to donde is unde wy dar to esschet werden. Desse vorscreven stucke unde ar/ticule love wy Gherlich de Swarte, Mechtold, myn husvrowe, Rippe, Johan, Gherlich unde Albern, ere sones, Reyner, Johan, Gherlich, Albern, Hinrik unde Volc/quin de Juchtere vor uns unde unse rechten erven, boren unde ungheboren, der erghescreven vor Lutgarde, ebbedesschen, unde erem clostere tom Lyliendale unde alle/ eren nakomelinghen an guden truwen to ewighen tyden stede unde vast ane alle arghelist, hulperede unde nyevunde to holdene. Unde des to thughe unde to ewi/gher bekantnisse unde bedechtnisse so hebbe wy Gherlich de Swarte vor my unde vor Mechtolde, myne husvrowen, Rippe, Johan, Gherlich unde Albern, ere sone, Reyner,/ Johan, Gherlich, Albern, Hinrik unde Volcquin de Juchtere, ere

Enthält: swaghers, vor uns unde alle unse rechten erven, boren unde ungheboren, alle unse ingheseghele/ witliken ghehanghen an dessen bref. Unde wy juncher Clawes van godes gnaden greve to Delmenhorst to ener merer betuchnisse unde bekantnisse desser vor/screvenen stucke so hebbe wy umme bede willen Gherlighes des Swarten, de uns dar umme van siner unde siner sone unde swagher unde erer erven weghe/ne vorscreven ghebeden heft, unse ingheseghel witliken ghehanghen laten an dessen bref. Datum anno domini Mo CCCCo XIXo, dominica Quasi modo geniti.

Verzeichnung

Berne (Beren, Berna), ON in Ldkr. Wesermarsch

Neuenhuntorf (Huntdorpe by der Berne, Hunttorpe by der Berne, Huntorpe by der Berne), ON in Berne

Juchtere, Gherlich de

Public Domain Mark 1.0 Universell

Objekt in der Deutschen Digitalen Bibliothek

16.06.2025, 13:30 MESZ