Bürgermeister und Rat der Stadt Bremen bezeugen, dass Bernd Hackvelt und seine Frau Beke dem Bremer Ratsherrn Johann Oldiges für sechsunddreißig Mark wiederkäuflich eine jährliche Rente von zwei Mark aus ihrem Haus in der Langenstraße zu Bremen verkauft haben. Ausfertigung Pergament, 30,5 x 15,5 cm. - Rep. 3 Lilienthal, Nr. 575. - 1 Siegel angehängt, fehlt. Wy borgermeistere unnde radtmanne der stadt Bremenn bekennenn unnde betugenn opembare in dessem breve,/ dat Bemdt Hackvelt unnde Beke, sin husfrouwe, unsse borgere, operabare vor uns bekandenn, dat se myth/ willenn unnde vulbordt alle erer erven hebbenn vorkofft Johanne Oldiges unssem raederadtmanne unnde sinen/ ervenn vor sees unnde dertich Bremer marck, de one to willenn woll betalet sinth, renthe twe Bremer/ marck in erem husze, wurdt unnde der gantsenn woninge gelegenn up der Langen strate by Arndt Wittellosz/ husz in dat oestenn. Wes se betere sinth dann renthe teindehalve Bremer marck, de dar rede thovorenen/ ynne sinth, denn desse breff to nynen schadenn kamen en schall, de helffte der vorgescrevenenn renthe tho/ betalende to allenn Paeschenn unnde de anderenn helffte to allen sunte Michaelis dagen deme/ ergenantenn Johann Oldiges unnde sinenn ervenn vann dem vorgescrevenn huse, wurdt unnde der/ gantsenn woninge vann rechte unnde van tinses wegenne alle yar. Ock mogenn de vorbenompten/ vorkopers unnde ere ervenn de vorgerordenn renthe wedder kopenn vor dat vorsprokenne ghelt/ wanner se willenn, wo se gevenn deme ergenantenn Johanne Oldiges unnde sinen erven, des se/ plichtich sinth na bornisse der tydt vann der vorg(escrevenn) renthe. Ock mogenn de vorbenompte Johann/ Oldiges unnde sine ervenn de vorgerordenn renthe vorsettenn, vorkopenn unnde andersz laten unsen/ borgerenn weme se willenn, utesprokenn geestlikenn ludenn, to deme sulvenn rechte, alsze se de hebben/ vrigelikenn to beholdenne. Des to
Public Domain Mark 1.0 Universell