Knappe Johann von Otterstedt gibt seinen Anspruch auf, den er gegenüber dem Kloster Lilienthal wegen eines Zehnten zu Buchholz erhoben hatte. Ausfertigung Pergament, 23,5 x 9,5 cm. - Rep. 3 Lilienthal, Nr. 236. - 3 Siegel angehängt, 2. fehlt, 1. und 3. stark beschädigt, restauriert: 1. Johann von Otterstedt, 3. Godevert von Otterstedt. - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 198 nach +Kopiar Lil. II, 149, Nr. 39. Al den, de desen bref seet eder lesen höret, den do ic Johan van Otterstede, knape, witlic unde bekenne/ openbare in deser scrift, dat ik degher unde al late van aller anclaghe, de ik hebbe daen over de ebdeschen/ unde dat convent des closteres tho den Lyliendale um den thegheden tho den Bocholte, de degher unde al/ ere is, beyde korn teghede unde smale teghede, mit aller thobehoringhe, also se a den dach unde jar, jar unde/ dach hebbet hat unde hebbet an rechter were unde besittinghe ewechliken tho brukene. Vortmer/ bekenne ik unde mine sonen Merten unde Godevert, dath wy noch al unse erven nicht rechtes efte/ egenes an deme vorscrevennen tegheden hebbet, dar umme wy noch al unse erven nu noch nummer/ mer den anspreken ofte anclaghen moghen. Tho ener vesten wissen betughinghe al deser saghe/ hebbe ik unde mine b sonen vorghenomt vor uns unde vor al unse erven, boren unde aneboren, unse/ inghesegele witliken hangen an desen breef. De is ghegeven na godes boort drutteyn hunnert/ iar an den seveden unde sevendesteghen iare, an den hylghen daghe Phylippi et Jacobi der apostelen. a se über der Zeile nachgefügt; b verbessert aus minen.
Public Domain Mark 1.0 Universal