Wigandus, Dekan, Heinricus, Scholaster, Petrus, Sänger, Marquardus Prumheim, Jo. Martirer, Hermannus Stummel, Petrus Echter, Jacobus Steinhuser, Hermannus Benßheim, Conradus Rade, Johannes Schutzberg, Bertholdus Cantrifusoris, Bruno Itstein und Nycolaus Kolbe, Stiftsherrn und Kapitulare von Mariagreden zu Mainz,. beschließen ein Statut über die Haltung der Kapitel: "Quod de cetero per cuiuslibet anno circulum singulis sextis feriis, si in ea festum celebre non fuerit, alioquin die feriata sequenti unum in ebdomada capitulum hora octava de mane incipiendum sine alia intimatione in nostra ecclesia celebretur. Quodque pro presentibus et interessentibus dicta hora ac ad finem permanentibus huiusmodi capitulis in aliis tamen ecclesiis eadem hora non deservientibus duo maldra siliginis pro cuiuslibet capitulo de bladis ad Kalendas capituli nostri cedere solitis equaliter distribuantur. Quodque simili modo singulis primis diebus mensium anni capitulum in nostra ecclesia celebretur necnon decem et novem libre hellensium ad vini copia decimarum nostrarum annuatim cedentes duo floreni annui census per manufideles quondam domini Williboldi nostri concanonici supra parte decima in Stadecken noviter empti a Wolff de Guntheim armigero comparati et unus florenus perpetui census emptus predictum dominum Jacobum Steinhuser nostrum concanonicum supra eadem parte decime. Necnon illa bladorum quantitasque ex melioratione molendini in Osthofen quam domino Jacobo Steinhuser nostro concanonico supradicto et suis heredibus jure hereditario locavimus quam olym habuit Clese Langenase ultra quatuordecim maldra siliginis iam ex eo cedente annuatim provenire poterit predictum dominum Jacobum ad hec assignatis seu eius valor in pecunia inter presentes et permanentes modo et forma supradictis similiter equis portionibus in fine anni prout quilibet deservierit destribuantur. Infirmos etiam seu in negotiis ecclesie existentes aut missam hora capituli celebrantes dummodo ea finita ad capitulum accesserint in premissis distributionibus volumus esse participes, ita videlicet ut magistri fabrice pro tempore existentes et ad hoc jurati singulos sic in capitulis presentes et absentes ac alios participes ut prefertur fideliter et diligenter notent et unicuique de eis anno finito quem in festo sancti Jacobi incipi et terminari volumus debita computatione prima tam in blado quam in pecuniis portionem eum contingentem et iuxta ratam quam deservierit assignari faciant et procurent per presentem autem ordinationem consuetudinem hactenus introductam quo minus decanus aut eo absente alter prelatus seu senior canonicus pro ingruentibus et necessariis ecclesie et capituli etiam aliis diebus capitula indicere et per in illis presentes ea tractari possint et valeant tollere aut ille derogare nolumus nec intendimus quoquo modo". "Actum a.d. millesimo quadringentesimo tricesimo sexto die sexta mensis Julii."
