Record

Johan von Weyhe und seine Söhne Erp, Friedrich, Arnd und Dietrich verkaufen dem Bremer Bürger Johann Brand für einhundertunddreizehn Mark ihr Gut mit der Hofstelle (were) in Hasenbüren, die zur Zeit de Ruge bewirtschaftet. Ausfertigung Pergament, 33,5 x 19 cm. - Rep. 3 Lilienthal, Nr. 491. - 9 Siegel angehängt, 1., 3., 7. und 9. fehlen, 1 Siegel (wohl 1.) ab Bruchstücke anliegend: 2. Erp von Weyhe, 4. Arnd von Weyhe, Bruchstück, 5. Dietrich von Weyhe, Bruchstück, 6. Vasmer zu Habenhausen (?), in Leinen eingenäht, 8. Danuel Brant, alle überlieferten Siegel von grünem Wachs in gelber Schüssel. - Rückvermerk: Luder Scharhar (15. Jh.). - Regest: Röpcke, Quellensammlung, Nr. 85, S. 277 (mit Textauszug). Ik Johan van Weyge, Erp, Ffrederik, Arnd unde Diderik, miine sones, bekennen unde betughen openbare in dessem breve vor alsweme, dat wy myt wyllen unde/ vulborde al unser erven hebben vorkofft unde vorkopen to enen steden vasten ewighen ervekope deme beschedenen manne Johanne Brande, borgere/ to Bremen, sinen erven unde deme holdere desses breves myt sinen wyllen vor hundert Bremer mark unde drutteyn mark, de uns degher unde/ al betalet sint unde de wy vort an unse nut unde bederff gekart hebben, al unse gude to Hasenburen myt der were, dar nu to tiiden uppe wonet de/ Rughe, unde myt dessen nagescrevenen stucken landes. Tom ersten en stucke gelegen jegen den dorpe unde geyt dor ses campe by des kummelduren/ gude int osten unde Johan Munde gude int westen; twe stucke uppe der Hove, de gat dor viff campe uppe den Horn siil, gelegen bii Hermen/ Doppes gude int westen unde iacop Olden gude int osten; en stucke uppe der Hove unde geyt dor viff campe unde geyt uppe den Diikcampe/ bii des kummelduren gude int westen unde Hermen Doppes gude int osten; en dre rodet stucke uppe den Diikcampe bii Jacob Olden gude int osten/ unde Hermen Doppes gude int westen; item en verrodet

NLA ST, Rep. 3 Lilienthal, Nr. 491

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

21.05.1450

Enthält: stucke uppe dem Diikcampe bii Jacob Olden gude int westen unde Hermen Doppes gude/ int osten; ses stucke uppe deme Diikcampe by Hinrik Dedeken gude int westen unde Hermen Token gude int osten; twe stucke negest dem dyke/ twischen den sylen; dre stucke uppe dem Oldenbroke by deme dyke; en stucke uppe den Lutken Repen dor dre campen by Hermen Doppes gude/ int osten unde Hinrik Dedeken gude int westen; ver stucke uppe den Repen dor dre campe by des kummelduren gude int osten unde Hinrik Dedeken/ gude int westen; item uppe der Hove en stucke van dren roden gelegen by Jacob Olden gude int osten unde by Hinrik Dedeken gude int westen; unde/ dre stucke uppe dem Dorsche gelegen by ener syde Hermen Doppes gude, unde by der anderen syde by Hinrik Dedeken gude, myt acker buwet unde/ ungebuwet, myt aller slachtenut, rechticheit unde tobehoringe, alse de gelegen sin, vor vry erve gud myt alle, nichtes nicht utgesproken. Unde/ wy Johan van Weyge, Erp, Ffrederik, Arnd unde Diderik, myne sones, latet unde hebben gelaten vor uns unde unse erven deme erbenanten Johanne/ Brande, sinen erven unde deme holdere desses breves vorscreven desset vorbenante unse gud myt der were unde lande myt aller slachtenut, rechticheit/ unde tobehoringe, so vorscreven steyt, in ere hebbende besittende makelike echlike brukelike unde upborende were to ewygen tyden to besit/tende unde to beholdene in aller mate, alse men eghendom, besittinge unde were vryger erve gude van rechte to latende plecht. Ok scholen/ unde wyllen ik Johan van Weyge, Erp, Ffrederik, Arnd unde Diderik, myne sones, unde unse erven deme erbenanten Johanne Brande, sinen erven/ unde deme holdere desses breves vorgescreven desses vorbenanten gudes to Hasenburen myt der were unde lande unde myt aller rechticheiden unde tobeho/ringen, so vorgescreven steyt, rechte warende wesen unde warschup don, wanne, wor unde wo vaken ene des nod unde

Enthält: behoff deyt unde se dat van/ uns esschet edder esschen latet. Des to tughe so hebben wy Johan van Weyge, Erp, Ffrederik, Arnd unde Diderik, myne sons, alle vorbenant, vor/ uns unde unse erven unse ingheseghele wytliken unde myt guden wyllen gehangen to dessem breve. Ok bekenne ik Vasmer to Habenhusen,/ des erbenanten Johans broder, dat dasse vorgescrevene ewyge ervekop desser vorbenanten gude myt mynem guden wyllen unde gantser vulbort gesehen/ sin, unde des to tughe so hebbe ik Vasmer vorbenant myn ingesegele ok gehangen to dessem breve. Unde went alle desse vorgescrevenen stucke vor uns/ bekant unde sehen sin, so hebben wy Hermen Dop, Dannel Brant de jüngere, radmanne, unde Johan Dop, borger to Bremen, to merer betuch/nisse unde umme bede wyllen unse ingesegele ok gehangen to dessem breve. Gheven na godes bort verteynhundert jar dar na in deme vofftigesten/ jare, ame achteden dage der Hemmelvart unses heren.

Verzeichnung

Brand (Brant), Dannel de junge, Rm in Bremen (1440-1454)

Dickamp (Dikcamp), FN in Hasenbüren

Brand, Dannel

Public Domain Mark 1.0 Universal

Object in the 'Deutsche Digitale Bibliothek'

16.06.2025, 1:30 PM CEST