Enthält: Wilhelm Herzog zu Jülich u. Berg u. Graf zu Ravensberg verleiht nach Gewinn der Stadt Erkelenz Bürgermeistern, Schöffen, Rat, Bürgern, Eingesessenen und Untertanen von Erkelenz Zollfreiheit an allen Zöllen und Zollstätten des Fürstentums Jülich und weist seine Zöllner entsprechend an. Wir Wilhem, van Gotz gnaiden hertzauch zo Guylge, zo dem Berge ind greve zo Ravenßberg, doin kunt: So as wir nu de stat Ercklentz durch mannichvaldige ursaiche unss darzu bewegende gewonnen ind zo unsermere henden erlangt hain, bekennen wir offentlieh mit diesen brieve ind geloeven vur unss, unse erven ind nakomlingen, dat wir van unsen sunderlingen genaden ind gunsten burgermeistere, scheffen, rait, burgere, ingesessen ind underdanen alle gemeynlich ind igligen in sonderheil geistlich ind werentlieh der gnt. unser stat Ercklentz van nu vortan unser tolfryongen an allen unseren tollen ind talfesteden unss furstendomps van Guylge geneyssen ind gebruychen Iaissen willen ind sulZen gelichs anderem unseren steden ind underdanen desselven unss furstendomps, bevelen daromme allen unserem tolnerern ind tolldieneren unser tolle des gnt. unss furstendomps van Guylge, de unsere van Ercklens der tollfryongen gelichs anderen unsen steden ind underdanen unss vurg. furstendomps genyessen ind gebruychen zo Iaissen wie obger. , ind dain nyt anders zo doin, dat ist unse ernste meynonge, wille ind bevell, ind willent also gentzlich gehadt ind gedain haven sunder argelist. Dis zo urkonde der wairheit hain wir Wilhem, hertzauch zo Guylge, zo dem Berge ind greve zo Ravenßberg etc. vurg. , unse siegell vur unss, unse erven ind nakomlingen unser rechter wist ind guden willen an diesen brieff doin hangen. Gegeven inden jairren, as men schreyff na der gehurt unss Herren duysent vierhondert inde eychtindnuyntzych uff den neisten gudenstach na Unser liever frauwen daige Assumptionis.
