Die Bevollmächtigten der Fräulein von Jever schließen mit den Baumeistern der Lambertikirche in Oldenburg einen Vertrag über Lieferung von Steinen aus der ausgedeichten Kirche von Oldebrügge. (Vgl. Rüthning, Old. Gt., I, 225 ff. Sello, Oestr. u. Rüstr., S. 60, unter Oldebrügge.) Am dyngesdag Tiburtii martiris anno 1523 is fruntlyken gehandelt und gededynghet tusken den erbarn und vesten Jürgen Mengersen drosten to Yhever und Ommen to Mydoech hovetling in stedt der eddelen und walgeborn myner gnedigen leven vrouchen to Yhever ens und den erhafftygen heeren Albert Raba, Johan Ollier und Lueke tor Hellen ander deels des stenes halven van der karken Oldebrügge in Rustryngen van den runden gevel an, de hele guder zydt, und den westeren gevel heel, van den westeren gevel in der noerder zydt an dat venster, dat dar to gemuret is, ock wat van steen in dat water lycht van der karken vorscreven, also dat heer Albert sampt Johan Ollier und Lueke tor Helle Scholen vor den steen vorscreven den beyden als Jürgen Mengersen und Ommen to Mydoch overleveren in stedt myner gnedigen vrouchen tachtentyg Embder gülden, an welkeren summen sze hebben nu twyntyg Embder gülden betaelt, und de ander sostyg Emder gulden schoelen zhe betalen, wanner zhe den steen halen. Dem sus gescheen, synt als tugeslude dar to geropen mester Hermen pastoer to Yhever, Carsten Wantscherer, Balthazar Goltsmyt. To mherer orkunde der waerheyt synt desser nottelen twe uth een gesneden dorch den nhamen Jhesus am dag unde yaer als boven. De doren stene synt nycht mede verkoft. Ock scolen alle de ghene, de den steen halen, strack seker und velyg geleyde hebben an und van. Von anderer Hand darunter: Am maendage na Viti synt an dusser somme vornoeget noch veertich Emder gulden am jaer XXIIII (anno [15]24). Datierung: Am dyngesdag Tiburtii martiris anno 1523 = 1523 August 11
