Bischof Siegfried von Hildesheim hat die im Folgenden wiedergegebene Bulle des Papstes Benedikt XI. (von 1304 Februar 28) im Original gesehen und ihre Echtheit festgestellt: Papst Benedikt erteilt einen Schutzbrief und erweitert die Immunitätsrechte der Augustiner-Nonnenklöster, die nach der Regel und unter der Fürsorge der Dominikaner leben. Syfridus dei gratia Hildesiensis ecclesie episcopus universis presentium inspecturis salutem et sinceram in domino caritatem. Notum esse volumus universis, quod nos literas domini pape Benedicti undecimi non cancellatas, non abrasas, non abolitas neque in aliqua sui parte viciatas, sub vera bulla et filo serico ac integro sigillatas vidimus in hec verba: „Benedictus episcopus servus servorum dei dilectis in Christo filiabus universis priorissis et sororibus monasteriorum ordinis sancti Augustini secundum instituta et sub cura fratrum ordinis Predicatorum viventibus tam presentibus quam futuris salutem et apostolicam benedictionem. Sacra vestra religio, sub qua devotum creatori nostro famulatum impenditis, promeretur, ut apostolica sedes favorabilem se vobis exibeat et in vestris opportunitatibus gratiosam. Hinc est, quod nos pium et cogruum reputantes, ut nos via prosequamur gratia, que vestris necessitatibus fore conspicitur oportuna, vobis auctoritate presentium indulgemus, ut ad prestationem decimarum de quibuscunque possessionibus et aliis Omnibus bonis vestris, que in presentiarum habetis et iustis modis prestante domino acquisiveritis in futurum vel ad exibendum annuum redditum seu censum vestris diocesanis episcopis necnon pedagia, theolonea et alias exactiones quibusvis regibus seu aliis personis secularibus ac etiam ad dandum procurationes aliquas legatis vel nuntiis apostolice sedis sive ad decimam vel aliam portionem aut subventionem aliquam de vestris proventibus cuiquam exibendam vel ad contribuendam in exactionibus vel collectis seu subsidiis aliquibus minime teneamini nec ad idem conpelli possitis per litteras sedis eiusdem vel legatorum eius aut quorumcunque aliorum, etiamsi in eiusdem sedis litteris contineatur expresse, quod ad quevis exempta vel non exempta loca et monasteria se extendant et aliqua eis, cuiuscunque tenoris existat, ipsius sedis indulgentia non obsistat, nisi forsan dicte littere sedis eiusdem de indulto huiusmodi et monasteriis vestris plenam et expressam fecerint mentionem ac nichilominus a iurisdictione et potestate patriarcharum, archiepiscoporum et episcoporum diocesanorum vestrorum et quorumcunque aliorum eximimus vos et loca et monasteria vestra de gratia speciali suis insuper gaudentes privilegiis, gratiis et indulgentiis, que ipsi ordini Predicatorum sunt concessa et in posterum conceduntur. Nos enim ex nunc irritas decernimus et inanes interdicti, suspensionis et excommunicationis sententias, siquas in vos vel aliquas vestrum aut loca et monasteria vestra seu quoscunque alios occasione vestri premissorum pretextu contra huiusmodi concessionis nostre tenorem per quemcumque de ceterc contigerit promulgari. Nulli ergo omnino hominum liceat hanc paginam nostre concessionis, exemptionis et constitutionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Lateranis III. Kal. Marcii pontificatus nostri anno primo." In cuius testimonium sigillum nostrum duximus presentibus apponendum. 1307 Februar 20, Magdeburg (Datum in Magdeburch anno domini MCCCVII decimo Kal. Marcii) Insert: 1304 Februar 28, Lateran (Datum Lateranis III. Kal. Marcii pontificatus nostri anno primo)
