Der Rektor des Altarlehns in der Kapelle in Versfleth (Versflete) trat vor Zeiten in den Benediktinerorden ein, sein Nachfolger wurde der Priester Johannes Halle. Dieses Altarlehn ist dann auf die Kirche St. Lamberti in Oldenburg und trotz der Bedenken des Generaloffizials der Bremischen Kurie Johannes Halle wieder übertragen worden. Es handelt sich um die Kapelle in Wittenborg der Urkunden 1353 Oktober 21 und 26 der Kollegiatkirche Oldenburg. Universis presentes literas visuris seu audituris Doydeking dictus Bulle perpetuus vicarius in ecclesia Bremensi ac officialis generalis curie Bremensis commissarius, a venerabilissimo in Christo patre et domino domino Stephano, miseracione divina tunc temporis sancti Eusebii presbytero, cardinale, domini nostri pape summo penitentiario, ad infra scripta specialiter deputatus, salutem in domino sempiternam et veritatem agnoscere rei geste. Noveritis nos literas dicti domini penitentiarii non cancellatas, sed omni suspicione carentes, ipsius vero sigillo sigillatas, presentatas nobis pro parte discreti viri domini Johannis Hallen presbyteri Bremensis diocesis recepisse, quarum tenor sequitur in hec verba: [1372 Juli 3] „Venerabiii in Christo patri, dei gratia archiepiscopo Bremensi vel eius vicario in spiritualibus Stephanus miseratione divina tunc temporis Eusebii presbyter cardinalis salutem et sinceram in domino caritatem. Ex parte Johannis dicti Halle presbyteri vestre diocesis nobis oblata peticio continebat, quod olim rectore Capelle seu beneficii altaris ecclesie in Versflete dicte diocesis ordinem sancti Benedicti ingresso collator ipsius Capelle eam infra annum, antequam dictus rector professionem in dicto ordine fecisset, dicto presbytero contulit, recepta tarnen cautione, quod ipse presbyter dicto rectori pro fructibus eiusdem anni dicte capellanie decem florenos auri solvere deberet, de quibus dictus rector quatuor florenos recipiens diem suum infra annum probationis clausit extremum. Postmodum dictus presbyter dictam cappellam in manibus dicti collatoris libere resignavit, Qui recepta resignatione eidem presbytero ipsam cappellam de novo contulit et de ea sibi providit, super quibus fecit supplicari humiliter dictus presbyter sibi per sedem apostolicam misericorditer provideri. Nos igitur auctoritate domini pape, cujus penitentiarie curam gerimus, circumspectioni vestre committimus, quatenus, si est ita, postquam dictam cappellam seu altare in vestris manibus libere resignaverit et de fructibus ex ea medio tempore perceptis iuxta vestri arbitrium in evidentem utilitatem ipsius Capelle fideliter convertendis satisfecerit competenter, iniuncta sibi inde absolutione previa, ab excessu huiusmodi pro modo culpe penitentia salutari, super inhabilitate inde contracta, quodque aliud beneficium ecclesiasticum, si sibi canonice conferatur, licite valeat optinere, cum ipso, alio sibi canonico non obstante, misericorditer dispensetis. Datum Avinione V. Nonas Julii, pontificatus domini Gregorii pape XI anno secundo
