Äbtissin und Konvent des Klosters Lilienthal verpflichten sich, die von Friedrich uppe den Werve übergebenen Kaufbriefe betreffend den Bruch an der Wörpe bei der Lösung des Vertrages wieder herauszugeben. Ausfertigung Pergament, 24,5 x 10 cm. - Rep. 3 Lilienthal, Nr. 554. - 3 Siegel angehängt: 1. Äbtissin Kloster Lilienthal, 2. Dompropst Johann Rode, 3. Marten Balleer. 1. und 3. Siegel von dunkelgrünem Wachs in gelber Schüssel, 2. von rotem Wachs in gelber Schüssel. - Rückvermerk: Frederik tom Warve uppe dat bruck (16. Jh.). Wy ebdisse unde convendt Unser leven vrouwen tome Liggendale bekennen openbare yn desseme/ breve, dat Ffrederick uppe den Werve uns hefft vorkofft unde vorseeth eyn bruck beleghen by der/ Worppen na vormoge synes vorsegelden breves uns dar up ghegeven unde dat sulve bruck Ffre/derick vorben(ant) van Hinrike van der Helle to enem ewigen arvekope gekofft hefft. Unde den kopbreff van/ Hinrike van der Helle vorsegelt hebbe wy van Ffrederike vorben(ant) myt synen breve entfanghen. So/ schole wy ebdisse unde convendt vorscreven, wan uns Ffrederick unde syne erven de losinghe kundighet/ noch vormoge sines breves den kopbreff van Hinrike vorben(ant) tovoren myt synen breve myt guden/ wyllen wedder over antworden. Des to tughe hebbe wy ebdisse unde her Johan Rode, domprovest der hilghen/ kercken to Bremen, unde Marten Balleer, raetmann to Bremen, hiir an unde over synt gewesen, so hebbe/ wy umme beider parte bede willen unse ingesele ok to dessen breve ghehangen. Ghegeven na godes/ bort veerteyn hundert yar dar na in deme eyn unde achtigesten yare, des dinxscedages vor Palmarum.
Public Domain Mark 1.0 Universal