Geverd von der Hude, seine Frau Heylewich und ihr Sohn Geverd verkaufen dem Kloster Lilienthal für achtundzwanzig Mark ihre Vogteirechte am Klosterbesitz in Sankt Jürgen, den Gerke Milike bewirtschaftet, der Emmen stukke genannt wird. Ausfertigung Pergament, 30 x 18 cm. - Rep. 3 Lilienthal, Nr. 368. - 4 Siegel angehängt, fehlen. - Druck: Vogt 1 Nr. 11, S. 548 ff. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 265 nach +Kopiar Lil. II, 149, Nr. 16. Wy Gheverd van der Hude unde Heylewich, myn rechte echte husvrouwe, unde Gheverd, myn sone, bekennet unde betughet open/bare an desser scrift vor all den ghenen, de ze zeed edder horet lesen, dat wy myt willen unde myt vulborde al unser rechten er/ven unde al der ghenen, den id antreden mach, hebbet vorkoft unde vorkopet vor Greten, der ebbedischen, unde deme convente tho/ deme Lyliendale vor achte unde twintich Bremer marc, de uns deghere unde na willen zunt wol beret, unse voghedye, de wy/ hebbet an des closteres goude, dat gheleghen is an demc dorpe tho zunte Jurien, dat nü tho tyden buwet Ghereke Milike unde/ gheyt van der Hamme wente an de Wumne unde gheheten zunt de Emmen stukke, unde latet de vorescrevenen voghedye unde/ alle rechticheyt unde unrechticheyt, de upzettinghe unde afzettinghe, bede unde plicht, denst unde koninghes tyns unde allent, dat/ wy dar an betalen moghen, nou unde ioumber mer, vri unde quit tho ewighen tyden. Des love wy vorescrevenen rechte war/schup truweliken tho holdene, wor unde wanne unde wo dicke deme clostere des nod is, vor borene unde ungheborene. Vortmer/ zo bekenne wy Kersten unde Luder, brodere gheheten a van der Hude, dat desse vorebenomde voghedye deme clostere tho deme Lylien/dale is vorkoft unde quit ghelaten tho ewighen tyden unde is myt unsen vulborde unde willen witliken gheschen unde lovet des/ mede rechte warscup myt zamender hant
Public Domain Mark 1.0 Universell