Güterverzeichnis des Hauphofes Drasenbeck Iura et pertinentie curtis in Drasemecke [Drasenbeck] in parrochia Remelinchusen [Remblinghausen] anno Domini millesimo trecentesimo decimo quarto dicte curti consignata, quorum Judocus modernus schultetus est et fuit in possessione anno Domini millesimo quingentesimo trecesimo quarto. Item curtis in Dramecke [Drasenbeck] dare solebat collegiate ecclesie sancte Walburgis Meschedensi semiocto maldra havene maioris mensure, et nunc ex gracia dat septem maldra havene, item uno anno adducet dimidium plaustrum vini de Lympurch [Limperich] usque Messchede, pro quo dabit duos florenos et sex solidos alternis annis, item altero anno tenetur dare novem denarios pro winschaer, item pro porcis septem solidos et quatuor denarios Martini, item quatuor plaustra lignorum Martini, item undecim pullos uno anno, altero anno decem pullos Martini, item quinque uncias ovorum Pasche, item sex denarios ad mandatum in Cena Domini, et villicus habebit unam semellam de novem quadrantibus, item custodibus prefate ecclesie Messchedensis sex denarios, item Martini rehabebit semiduas quartas vini. Dusse nabeschrevenen hove sin behorich in den hoiff tho Drasemecke und tho dem hove gewiset anno Domini dusent driehundert verteine: Item int erste tho Drasemecke eyne hove, ist die derde deill des hoves boven der straete her, wanner die Schulte den selfften derden deill by deme hovet hove weder hebben wolde, sall emme dar neyne insperunge invallen, weret ock sake, sodan derde deill wyder uthgedan worde, sall mit der swinedrifft nicht hoger dan mit twen swinen berechtiget sin, der marck sall sich die hoiff gebruken und anders neymantzs, wanner dusse vurgescreven derde deill van dem Schulten werth uthgedain, sall deme schulten doin alle iare eyn malder haveren, twe honer, twintich egger und eynen dach tho meiggen. Item eyne hove tho Heerdinchusen [am Rande hinzugefügt: berechtiget und bemarckt mit dem derde dele der marck des holtes] [Heringhausen], gelegen by der capellen, gebruket die schulte to Dramecke selver und gevet nicht dar van; ist dar noch tobehorich ene wese, gelegen boven Kottinchusen [Köttinghausen, Gem. Remblinghausen], noch en morgen landes boven der selver wese gelegen, noch twe wese, gelegen in der Eugge [Enge?], noch twe lendere ock in der Eugge gelegen, noch veer lendere up der anderen siiden, gelegen boven dem Berckhove, all in deme kerspell van Remelinchusen, noch veer morgen landes, gelegen up der Ffrenckert [Frenkert?]. Item uth dem Nederen gude tho Ffrylinchusen [Frielinghausen, Gem. Remblinghausen] ses pennunge, boren die coster in dem munster tho Messchede, wie vurgemelt van wegen des schulten tho Drasemecke. Item tho Westeren Bodeuelde [Westernbödefeld] in deme kerspell Bodeuelde [Bödefeld] gelegen eyne hove landes, ist berechtiget mit dryfft, in water, in weide, ock mit der marck, ist tentfry, liedich und los, gevet neymandes noch gelt noch anders, dan allene deme hove tho Dramecke als tein scheppell haveren, twe honer und twintich eigger. Item tho Sielinchusen [Siedlinghausen] in dem kerspell Brunskappell eyne hove, gelegen by der capellen, hevet den sevendendeill der veltmarcke aldair tho Sielinchusen in berge, in dale to gebruken, gevet tein scheppel haveren alle iare und twe punt vlasses. Item noch in dem selfften kerspell Brunskappell gelegen eyne wese und eyn landt, gebruket van des schulten vurgemelt wegen, die dussen upgemelten sevendeill der vurgemelten hove underhevet, ist gelegen tho Wolfferinchusenl [Weiferinghausen oder auch Wulferinchusen: Wüstung im Namelosetal hart oberhalb von Siedlinghausen] in der woisten. Item tho Nedenkercken [Negerkirchen, Pfarrort an den Quellen der Neger, im 15. Jahrhundert wüst, vergl. Seibertz, Blätter zur näheren Kunde Westfalens, 1866, Nr. 11, S. 37 ff] in der Romeker marcke eyn landt gelegen und eyn weseplas, hevet ock in gebruke dusse negest vurgemelte in der selfften pechte mit dem sevendeile der hove. Item in dem dorpe Brunskappell eyne hove gelegen mit ackeren und wesen, ock mit alle erer gerechticheidt, gevet deme schulten vurgemelt alle iare tein Schillinge geldes und twe punt vlasses. Item tho Herdinchusen [Heringhausen] in deme kerspell Velmede gelegen eyne hove in dem dorpe vor der bruggen mit erer tobehoringe, ock mit der marcke, in holte, in water, in weide, ist eyne vullenkommen hove, berechtiget mede in der marcke geliick anderen hoven, gevet deme schulten vurgemelt alle iare eynen malder haveren. Item in der Helle in dem kerspell van Reiste noch gelegen eyne hove by Bosinchusen [Beisinghausen] mit aller gerechticheidt als ock vurgemelt in dem Latino angetekent, ist liedich und lois mit acker und mit wesen, gevet deme schulten vurgemelt alle iare twe malder haveren. Item uth deme hove tho Ouerenholte [Oberste Holte] in dem kerspell tho Heesschede [Herscheid] in dem lande van der Marke gelegen boret eyn ider schulte tho Drasemecke achtein pennunge, sollet deme schulten vurgemelt op sent Mertins avent sunder entgeltnusse behandet werden to bate der seven Schillinge, hey tho Messchede op sent Mertins avent betalen moith, welcker hove nu tortiidt besittet, tielet und buwet N. Item alle und ider iars boret ock die vurgemelte schulte to Drasemecke up donnerstach in der Crutzewecken anderenhalven penninck von sinem lande up dem Auuer boven dem garden up andersiith dem water by der Staelmecker hove. Item alle dusse vurgemelten hove hebben ere betymmerde salstede. Item wanner dusser vurgemelten hovelinge sich eyner up die hove bestaden worde, sall geschein mit wetten und willen des dickgemelten schulten tho Drasemecke. Item wanner ock dusser vurgemelten hovelinge eyner van des schulten gude und hove tein worde und deme schulten nicht wolde affwynnen off nicht lenger pechte geven wolde, wanner sulcks geschege, sall die hovelinck allet dat er tuast und nagelvast ist, tor stede laten laten dem schulten tom besten. Item [gleichfalls am Rande nachgetragen] to Rollinchusen [oder zu Raulinghausen im Kirchspiel Negerkirchen oberhalb Siedlinghausen, vergl. Seibertz, Blätter zur näheren Kunde Westfalens, 1866, Nr. 11, S. 98] gelegen eyne hove mit aller erer tobehoringe, den sestdeill der gantzen veltmarcke nicht dar van uthbescheden, gevet in den hoff Drasemecke vertich hoeffiseren, alle gelegen in dem kerspell tor Nerenkercken. Item to Wolfferinchusen [Siehe Nr. 13] noch ene hove mit alle erer tobehoringe den achterdendeill der gantzen veltmarcke nicht dar van uithbescheden, gevet tor pacht in den hoff to Drasemecke alle iare vyff raitschenne, gelegen in dem kerspell to Brunskappell. Item die fiisscherigge van der Lorincker [oder Loirmeker Mark] marck bith an den kerkhoiff to Herinchusen [Höringhausen, Gem. Remblinghausen] ist deme hove to Drasemecke tobehorich, beheltlich doch so wey mit gebruicklichem acker sich dar by sibben konde, sall des waters gebruken so breith und lanck, als dat acker an dat water stoth. Item beneden der kercken to Drasemecke soll der naber to fysschen neyne gerechticheith hebben, dan allene die hoiff to Drasemecke. Item des mandages in der Crutzewecken sall der schulte to drasemecke uith Staelmeckes hove alle iare boren enen hellinck, sall der schulte vurgemelt dinxtages volgens deme koster van Messchede by deme hilligen Crutze to Remelinchusen geven [gleichfalls am Rande nachgetragen] Angesein nachdeme und dewile das der hoiff tho Drasemecke in kort verruckeden iaren, dat principaill bewonte huis, gair und deger in grunde verbrant ist und alle siegell und breve, rollen, nottulen up des hoves gerechticheidt haldene in dem selfften fuere oick mede verbrant und verkommen sint, off das dan der selvige schulte sine gerechticheidt, ingehoir und upkompste deme selven principaill hove nigge bewis, register eider rollen, dar uith hey und sine nachkommen schulten die selven gerechticheidt wetten undertohalden und intzoforderen, sin dusser register und rollen twe geliick ludende gemaket und mit ener handt geschreven und dorch die warde "Salve Sancta Crux" uith ein ander gesneden, der dan decken und capittel to Messchede ein behalden und deme schulten tho Drasemecke die ander gegeven
