Johannes Hellingstede, Propst der Kirche zu Bücken, ruft die Geistlichen seines Bezirks unter Hinweis auf einen Spendenaufruf des Bremer Erzbischofs Johannes und seines Kapitels auf, den Laien auf ein Jahr befristet das Spenden von Almosen an das Kloster Lilienthal zu empfehlen. Ausfertigung Pergament, 24 x 9,5 cm, om oberen Teil stark beschädigt. - Rep. 3 Lilienthal, Nr. 360. - 1 Siegel angehängt, fehlt. Iohannes Hellingstede, prepositus ecclesie Buccensis, universis et singulis ecclesiarum et cappellarum rectoribus aut eorum vices/ gerentibus per nostram iurisdictionem ubilibet constitutis salutem in domino. Primum est apud homines et meritorium apud deum eorum suc/currere necessitati et inopie, qui relictis omnibus Christo serviunt et secuntur. Hinc est, quod sane intelleximus paupertatem et inopiam/ devotarum ac religiosarum dominarum abbatisse et conventus sanctimonialium in Lyliendale, Bremensis diocesis, nec non ruinam/ magnam edificiorum suorum, ad quorum reparationem venire non poterint, nisi Christi fidelium subsidio releventur. Qua propter/ inopie et necessitati dictarum dominarum compatientes dilectiones vestras caritative requirimus et hortamur attente et nichilominus/ in vitute sancte obedientie, qua presentibus requisiti fueritis, stricte precipiendo mandamus, quatenus moniales dicti monasterii aut nuntios/ suos speciales, cum ad vos accesserint elemosinas et subsidia Christi fidelium petentes iuxta continentiam quarundam litterarum/ reverendi in Christo patris et domini domini Iohannis archiepiscopi Bremensis necnon capituli sui desuper gratiose concessarum, admittatis/ plebesque vobis commissas pie et solicite inducentes, ut de bonis ipsis a deo datisa et collatis dictis dominabus/ in huiusmodi necessitatibus subsidia largiantur, ut per hec et alia bona opera pietatis, que domino inspirante fecerint,/ remunerationem divinam recipere mereantur.
Public Domain Mark 1.0 Universell