Hinrich von Münchhausen und seine Frau Ghese verpfänden dem Henneken Smedes und seiner Frau A leke einen halben Zehnten zu Harmenhausen für fünfundzwanzig Mark. Ausfertigung Pergament, 26,5 x 9,5 cm. - Rep. 3 Lilienthal, Nr. 230. - 1 Siegel abhängend, fehlt. Ik Hinrick van Monnichusen, hern Stacis zone, unde vor Ghese, myn echte housvrowe, bekennet/ unde betoughet openbare an dessen breve vor al den ghenen, de ene zeet ofte lesen horet, dat/ wy mid willen unde mid vulbort al unser rechten erven hebbet ghesatet unde ghezet Hen/ neken Smedes unde Aleken, ziner echten housvrowen, unde we dessen breef mid eren willen heft,/ unsen halven thegheden tho Harmhusen mid al deme rechte unde tho behord vor vif unde twyn/ tych Bremer marck, de uns degher unde al betalet zint, unde hebbet em den breef antwordet,/ de uppe den vore nomden thegheden spreckt, den wy hadden van Herberte van Penthe, unde/ schal des thegheden unde des breves bruken bet also langhe, dat he hebbe den lesten penningh/ mid den ersten, unde willet unde scholet des thegheden unde breves em eyn recht warende wesen,/ wanne, wor unde wo dicke he des behovet. To ener betoughnysse so hebbe ik Hinrick van Monnic/ husen vore nomd unde vor Ghese, myn echte housvrowe, unse yngheseghel ghehanghen an dessen breef,/ de se gheven is na godes bord droutteyn houndert jar an deme vyve unde zeventheghesten jare,/ des hilghen daghes zounte Dyonisius.
Public Domain Mark 1.0 Universal