Der Bremer Bürger Hinrich Oltmans und seine Brüder Johann und Hugo verkaufen dem Kirchherrn Hermann Borchard zu St. Magnus für vierundzwanzig Mark ihren Horn in einer Größe von zehn Stücken, gelegen zwischen dem Rader und dem Hinnebeker Feld. Ausfertigung Pergament, 20 x 12 cm. - Rep. 3 Lilienthal, Nr. 524. - 1 Siegel angehängt: Hinrich Oltmann, von schwarzem Wachs in gelber Schüssel, beschädigt und restauriert. Ick Hinrick Oltmans, borgher tho Bremen, und myne brodere mester Johan/ Oltmans, domhere tho sunte Anscharius, unde her Hugho Oltmans, vicarius to sunte Stefphane,/ bekennen unde betughen apenbare in dussem breve vor alsweme, de en seyn, horen/ offte lesen, dat wy myt willen unde vulbord hebn vorkofft unde vorkopen unsen/ Horne, beleghen twisschen den Rader unde Hindebeker velde, unde synt teygen stucke/ myt slachter nuth unde aller tobehoringhe, nicht uth ghesproken, nu unde to ewygen/ tiiden sunder gnade des wederkopes na vorsegelinge myner besegelden breve, also nu eer/ up den spaden ghedyket is unde de spade dar up ghetoghen is by selligher dechtnisse/ her Johanne Vresen des borghermesters tiiden, deme ersamen hern Hermen Borchardes,/ kerchern to sunte Magnus, vor veer unde twintich Bremer marck, alse up der wessel/ gynghe unde gheve synd, sunder yenigherleyge argelyst unde nygghevunde dar up/ to sokende. Alle dusse voergenanten stucke unde articule bekenne wii brodere voer benompt/ vast unde ewych to holdende. Des to merer bekantnisse unde tuchnisse hebbe ick/ Hinrick Oltmans sakewolt myn rechte ingesegel hanghen to desseme breve, de ghe/ gheven unde ghescreven is na der gheboerd Cristi dusent veerhundert in deme dre/ unde sestigesten jare, an deme daghe Conceptionis beate Marie virginis.
Public Domain Mark 1.0 Universal