Record

Luder von Garlstedt und seine Söhne Luder und Friedrich, Knappen, verkaufen dem Kloster Lilienthal für dreißig Mark ein aus mehreren ausführlich beschriebenen Einzelstücken bestehendes Viertel auf dem Felde zu Uthlede ohne den Zehnten. Ausfertigung Pergament, 33,5 x 23,5 cm. - Rep. 3 Lilienthal, Nr. 286. - 8 Siegel angehängt, 1., 2. und 6. fehlen: 3. Friedrich von Garlstedt, Siegel Garlstedt (1) nach Trüper, Ritter und Knappen, S. 991, 4. Friedrich Brutte, 5. Merten Brutte, 7. Arnd Holling, 8. Luder Holling. - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 224 nach + Kopiar Lil. II, 149, Nr. 298. Wy Luder van Gherlstede und Luder und Vrederik, des zulven Luders zone, knapen, bekennet und betughet openbare in dessen/ breve, dat wy mit willen und vulbort al unser erven und al der ghenner, de yd antret ofte antreden mach, hebbet vorkoft/ und vorkopet in dessen breve to enen rechten steden eweghen ervekope den erbaren ghestliken juncvrowen vor Greten, der/ ebdeschen, und dem ghemenen convente des closters to dem Lyliendale unsen veerndeel landes mit aller rechticheyt und tobe/hort, also dat gheleghen is uppe dem velde to Utlede, beyde in ghest und in mersch, vor vryg gud, nicht utghesproken zunder/ allene den tegheden, vor druttich Bremer mark, de uns deghere und al wol betalet zint. Unde des vorbenomden veerndeles zint/ uppe der ghest gheleghen veere stucke by sunte Nicolawes lande in dat nordene by dem Gronen Weghe; vortmer de bleocke/ by den Tybben stucken, de dar wendet in de heyde; twe stucke uppe den Krones kampe by dem kercheren uppet zudene; enen/ langhen eacker, de gheyt van dem Elhorne uppe de Doden breden; enen agker twyschen dem kercheren und Gherde dem smede;/ enen aut by dem Woltweghe; enen Reddekes hop twischen Mertene van Gropelinghe und Gherde dem smede; enen groten/ klyf agker, de an gheyt by des kercheren tune

NLA ST, Rep. 3 Lilienthal, Nr. 286

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

05.02.1394

Enthält: wente uppe dat closter stucke; enen klyf agker achter dem walle by Zebeken/ to den zudenen; twe wurde in den olden dorpe, dar Luder van Gherlstede by licht uppet nordene; een bleock under den Hang/ kampe by des stychtes gude uppet nordene, en langh block by dem kercheren uppet nordene. In der mersch veere stucke uppe/ den D‘yck kampe, dat erster uppe der Ghozeken by Mertene van Gropelinghe uppet zudene, dat andere is eyn doreghangh van/ der grave achter Borchardes gude van Lubeke unde gheyt dor den Middelkamp und dor de oversten want und is ghele/ghen by Borcharde Hollinghe uppet zudene; dat drudde is gheleghen achter Claweze by des stichtes gude; dat veerde dat/ is dat drudde stucke van dem Wurtvleter velde van dar grave dore uppe den Middelkamp; een stucke by des stichtes gude;/ een twyschen Mertene van Gropelinghe und een by Borcharde Hollinghe uppet zudene; een byvingh by Mertene van Gropelinghe/ uppet nordene; noch een byvingh by Kobben gude uppet zudene; een stucke by der Krummen Helmerden by des stichtes gude uppet/ zudene; enen doreghangh uppe der Heut wysch by Mertene van Gropelinghe uppet nordene; enen oken uppe der grave by Merte/ne van Gropelinghe uppet nordene; enen halven strengh uppe der Hove; enen knehom by des kercheren gude; enen halven/ strengh jeghen der lantwere by Mertene van Gropelinghe uppet ostene und ene hohorst. Dyt gud, also yd benomet is, dat heb/be wy ghelaten und latet in dessen breve den vorbebenomden juncvrowen in de were und besittinghe, also men vryes erve gudes/ were und besittinghe to rechte latende plecht, unde wy und unse erven scholet und willet den vorbenomden juncvrowen des zulven/ gudes mit al ziner rechticheyt und tobehort rechte warende wezen vor boren und ungheboren, wanne, wor und wo dicke/ en des not is und ze dat van uns eschet edder eschen latet. Dat love wy en in guden trouwen stede vaste truweliken unde/ unvorbroken

Enthält: to holdene zunder yenigherleye nyevounde, heulperede und arghelist und hebbet desser vorscrevenen stucke/ to tuchnisse unse inghezeghelea wytliken unde mit guden willen ghehanghen to dessen breve. Vortmer wy Vrede/rik und Merten, brodere gheheten Broutten, Johan, Arnd unde Luder, brodere gheheten Hollingh, anders gheheten Luttekehunt,/ bekennet, dat desse vorscrevene kop mit unsen willen und vulbort gheschen is und lovet des rechte warschop mede/ to holdene, also vorscreven is, unde hebbet des to tughe unse inghezeghele witliken unde mit guden willen ok ghehan/ghen to dessen breve. Datum anno domini Mo CCCo nonagesimo quarto, ipso die beate Agate virginis. a Vorlage hat inghezeghezeghele.

Verzeichnung

Brutte (Brute, Brutten), Friedrich (1394-1419)

Dickamp (Dikcamp), FN in Uthlede

Brutte, Friedrich

Public Domain Mark 1.0 Universal

Object in the 'Deutsche Digitale Bibliothek'

16.06.2025, 1:30 PM CEST