Graf Christian zu Oldenburg bestätigt, dass in seiner Gegenwart Hugo von Skagen und Arend von Bardenfleth dem Kloster Lilienthal eine halbe Oldenburger Mark Rente als Memorienstiftung für Hinrik Arndes aus ihrem Besitz in Neuenhuntorf (Newen Huntrop), den Otte Ebeken sone und Eylard Vyk bebauen, vermachen. Ausfertigung Pergament, 30 x 13 cm. - Rep. 3 Lilienthal, Nr. 235. - 3 Siegel angehängt, fehlen. - Rückvermerk: Newen Huntrop (17./18. Jh.) Wy junchere Kersten, van der ghenade ghodes greve tho Oldenborch, dot kundych unde wytlik alle den ghenen, de dessen bref zet/ unde höret lezen, unde bekennet unde betughet openbare in desser scrift, dat vor uns heft ghewezen de eraftighen lude Hugo van Scaghen/ unde Arend van Bardenvlete unde bekanden des vor uns openbare, dat ze umme nuttigheyt unde umme zalycheyt wyllen Hinrikes/ zele Arndes, der ghot ghenedych zi, mit ghuden wyllen unde mit ghanser voulbort al erer rechten anerven unde der ghener, de dar van/ rechte vulbord to gheven scolen, hebbet ghegheven unde laten unde laten unde gheven mit ghuden wyllen in dessen breve den juncvrowen unde/ den menen convente des closters to deme Lylyendale ene halve mark ghelles, alze in der herscap van Oldenborch ghinghe/ unde gheve ys, in deme ghude, dat gheleghen ys to Huntorpe, dat nou Otte Ebeken zone unde Eylard Vyk bouwet unde uppe zittet,/ unde in aller tobehorynghe des ghudes, alzo dat de juncvrowen unde dat convent van den Lylyendale ofte ere boden alle jar en hilghen/ daghe zunte Mertens de halve mark ghelles ute deme vornomden ghude ewych reken unde rum unde unbeworen uth boren scolen./ Ok ne scolen Hugo eder Arend vorgescreven efte ere erven eder nemand van erer weghene nynerleye tynze eder renthe des jares/ upboren ute deme ghude to Huntorpe vorgescreven, y den zi, dat de juncvrowen unde dat convent van den Lylyendale ofte ere boden ere/ halve mark ghelles alrest
Public Domain Mark 1.0 Universal