Knappe Erp von Aumund gibt dem Kloster Lilienthal mit Zustimmung seiner Vettern Dietrich und Curt zwei Hoftstellen (weren) zu Lesum zurück, die Henneke Holevot und Dove Diderik bebauen, und an denen er Leibzucht und Schatz hatte. Ausfertigung Pergament, 20x9 cm. - Rep. 3 Lilienthal, Nr. 266. - 3 Siegel angehängt, fehlen. Ik Erp van Oumunde, knape, bekenne unde betoughe openbare in desseme breve, alze umme de/ twe were to der Lesme, dar Henneke Holeveot uppe wonet unde bebouwet unde de andere Dove Dide/rik bebuwet unde uppe wonet, dar ik Erp vorscreven mine liftucht unde schatte ane hat hebbe/ van der erwerdighen vrowen der ebbedessche, pryorenden unde des menen conventes thu dem Ly/liendale, dat ik Erp vorscreven mit witschup, willen unde vulborde Diderikes unde Curdes,/ myner vedderen, hebbe de vorbenompden twe were weder gheven unde laten quit unde vryg,/ ledich unde los in des closters were weder thou den Lyliendale. Unde ik Erp, Diederik unde Curd/ vorbenompt en willet noch en schultet numbermer claghen noch saken up de twe were,/ dat teghen dat closter sy in hemelken eder openbare ane jenigherleyge arghelist. Unde/ hebbet des thou ener groteren bekantnisse unse rechten ingheseghele ghehenghet/ laten an dessen bref, de gheven is na godes bord drutteyn hundert iar in deme achte/ unde achtentighesten, in deme hilghen daghe sunte Micheles des hilghen ertzen engheles.
Public Domain Mark 1.0 Universal