Knappe Gerverd von Gröpelingen stiftet im Kloster Blankenburg für eine halbe Mark Bremisch eine Memorie für sich und seine Verwandten und bestimmt dazu seine Güter in Buttel (Bodingbutle) (Gemeinde Neuenhuntorf). An dem Gedenktag hat die Säckelmeisterin bzw. Thesaurarin (thezauraria) des Klosters das Geld gleichmäßig unter die Mitglieder des Konventes zu verteilen. Universis presentia visuris sive audituris ego Gerverhardus Gropeligh famulus recognosco presentibus firmiter et protestor, quod cum libero consensu Johannis et Nicolai fratrum de Duvenwurt ac omnium heredum meorum verorum necnon universorum, quorum interest vel interesse poterit quomodolibet in futurum consentire, donavi et dimisi ac tytulo iuste donationis resigno presentibus et dimitto religiosis ac deodevotis virginibus priorisse et conventui monialium in Blankenborch ordinis Predicatorum Bremensis dyocesis dimidie marce Bremensis perpetuos redditus in bonis meis in Bodigbutle, que ad presens Johannes de meygher colit, singulis annis in festo sancti Martini thezaurarie dicti monasterii, que est seu que pro tempore fuerit, in perpetuum per me Gerverhardum vel meos heredes seu illum vel illos, qui eadem bona in Bodigbutle habet et possidet vel habent et possident, singulariter persolvendos expedite, ita quod mei vel heredes seu qui ipsa bona, ut prescribitur, habet vel habent, de ipsis bonis et eorum cultore quicquam non recipiam seu recipiet vel recipient, nisi ipsa dimidia marca Bremensis thezaurarie dicti monasterii prius totaliter fuerit, ut pretactum est, persoluta. Que omnia ego Gerverhardus Gropeligh, Johannes et Nicolaus fratres de Duvenwurt nostrorum et omnium heredum nostrorum nomine dictis religiosis monialibus promittimus in hiis scriptis bona data fide. Sane priorissa et conventus in Blankenborch propter deum et huiusmodi dimidie marce Bremensis annimum [recte: animarum] solacium mei Gerverhardi ac Vredeke quondam uxoris mee dilecte necnon domine mee domine Beken Mazes iugem memoriam, prout moris est apud ipsas, singulis annis in octava die beati Laurentii [= 17.8.] fideliter peragent et devote. In qua quidem die thezauraria dicti monasterii ipsam dimidiam marcam Bremensem, quam de bonis meis predictis per me meosvel heredes seu eorundem bonorum possessorem recepit, singulis personis dicti conventus distribuet et equaliter ministrabit. In horum omnium firmum testimonium sigillo meo roboravi presens scriptum, et nos Johannes et Nicolaus fratres de Duvenwort in consensus nostri ac nostre permissionis evidens testimonium etiam sigillis nostris roboravimus presens scriptum [...]. Zeugen: honesti viri domini Hinricus canonicus in Delmenhorst, Nicolaus et Johannes dicti Vleckescilt et al. 1376 August 28 (Datum [...] anno domini millesimo tricentesimo septuagesimo sexto in die beati Augustini episcopi et doctoris gloriosi)
