Johann de Gude verkauft dem Gewandschneider Claus Boiler, einem Bremer Bürger, für dreißig Mark ein Stück Land in Wummensiede. Ausfertigung Pergament, 26 x 13 cm. - Rep. 3 Lilienthal, Nr. 386. - 2 Siegel angehängt: 1. Johann de Gude, von grünem Wachs, 2. Rat der Stadt Bremen, stark beschädigt, restauriert. - Rückvermerk: Johan Gerbade (15./16. Jh.). Ick Johan de Ghude, Claweses sone des Guden, bekenne unde betughe openbare in dessem breve, dat ik/ mit willen unde vulbort al myner erven hebbe vorkoft unde vorkope in dessem breve to eneme ste/ den rechten vasten ewighen ervekope deme beschedenen manne Clawese Bollere dem wantsnidere,/ borgere to Bremen, unde sinen erven vor drittich Bremer mark, so to Bremen vor der wessele ginghe/ unde gheve sint, de my to willen degher unde al betalt zint, eyn stucke landes, dat gheleghen/ is in der Wüm syde by deme gude Godschalkes Hellingsteden in dat westen, mit aller rechti/ cheit unde tobehoringhe van rechtes kopes weghene vor vry erve gud vryliken to beholdenne,/ to besittene unde to hebbende to ewighen tijden. Unde ick hebbe en ghelaten unde late in dessem/ breve den eghendom unde de besittinghe des vorscreven landes in ere hebbene besittene brukelike/ were, so men eghendom unde besittinghe vryes ervegudes van rechte to latene plecht. Unde ik/ Johan de Gude vorbenomd love vor my unde vor myne erven in guden truwen, dat wy schullet unde/ willet deme vorbenomden Claweze Bollere unde sinen erven des vorscrevenen landes mit al syner rechticheit/ unde tobehoringhe rechte warende wesen, wanne, wor unde wo dicke en des not unde behoff is unde ze/ dat va uns esschet edder esschen latet. Des to tughe hebbe ik Johan de Ghude vorbenomd myn ingheseghel/ tovoren hanghen to dessem breve. Unde wij borgermester unde radmanne der stad Bremen, went/ desse vorscreven ervekop witliken vor uns bekannt is, so hebben wij unsser stad
Public Domain Mark 1.0 Universell