Knappe Ludolf von Clawenbeke bestätigt, an dem halben Zehnten in Osterholz (Stbez Bremen-Ost) und in Oberneuland sowie einem Viertel in Rockwinkel kein Recht zu haben, da er diese an Lippold Monnik und Dietrich van Bucken abgetreten hat. Ausfertigung Pergament, 27,5 x 13 cm. - Rep. 3 Lilienthal, Nr. 213. - 3 Siegel angehängt, fehlen. - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 181 nach +Kopiar Lil. II, 149, Nr. 74. - Regest: Bremisches UB III, Nr. 246. Ich Ludelef van Clawenbeke, eyn knape, bekenne unde bethughe an dessen breve vor al den ghennen, de dessen/ bref zeet eder höret lezen, dat ich unde mine erven an den halven thegheden tho Osterholte unde an dem/ halven thegheden tho dem Overnyenlande unde eneme vertel tho dem Rochwinkele, den Ghiresvese hedde/ buwet, nicht rechtes an en hebbet. Men Lippold de Monich, hern Frederikes sone, unde Diderik van Bucken/ hebbet my dat vorenomde gut mit rechte afghedeghedinghet. Unde ich Ludelef unde mine erven en scolet/ unde en willet den vor nomden Lippolde unde Diderike unde ere rechten erven number mer hinderen noch/ beweren an den vor nomden goude unde al de ghenne, de dorch my don unde laten willen. Dyt heft ghedeghe/ dinghet Hinrich de Monich unde Hinrik Wral. Tho eyner bethughinge al desser vor screvenen stucke/ stede unde vast tho holdene zunder ghenegher leyge arghelist hebbe ich Ludelef vore ghenomp myn inghe/ zeghel ghehanghen an dessen bref. Ok so hebbe wy Hinrik de Monik unde Hinrik Wral tho eyner be/ kantenesse al desser vor screvenen deghedinghe unde stucke ok unse inghezeghele ghehanghen/ tho dessen breve. Ghescreven unde gheven na godes bort drytteyn hundert iar in deme vive unde zestich/ sten iare, des neghesten vridaghes na Pingsten.
Public Domain Mark 1.0 Universell