Das Kloster Blankenburg stellt einen Bettelbrief aus und fügt ein vollständiges Verzeichnis aller ihm bewilligten Gnadenmittel hinzu, die den Almosenspendern zugute kommen sollen. Universis plebanis et ecclesie rectoribus, ad quos presens pervenerit scriptum, soror Ida de Campis suppriorissa pro nunc vices plenarias obtinens priorisse sororum ordinis Predicatorum in Blanckenborch orationes in domino Jesu devotas. Vestre dilectioni cupio fore notum, quod propter aquarum continuam inundanciam et diversorum malorum incursus iam multis annis bona nostra manserunt inculta. Super hec omnia propter edificia nostra, que ruinam minantur cottidie meliorandam, multorum sumus onere debitorum obligate, quod, nisi bonorum hominum sublevemur auxilio, subsistere non valemus. Unde sorores nostras laicas fideles presencia exhibitrices transmittimus intime supplicantes, quatinus ipsas in parrochiis vestris et terris dignemini promovere amore dei eiusque genetricis gloriose virginis Marie necnon beate Anne ac Johannis baptiste patronorum nostrorum, ut fidelium elemosinas nobis petant populo publice intimantes, quod omnes, quicunque nobis ad structuram nostram manum porrexerint adiutricem, has indulgencias dei adiutorio consequentur: mille trecentos et viginti dies et karenas tredecim. Hec sunt indulgencie pro edificacione et reparatione domus sororum in Blanckenborch: papa Clemens XXV annos, papa Benedictus XXV annos, III quadragenas, Innocentius XXV annos, IUI quadragenas, Benedictus L annos, VI quadragenas, Urbanus XXV annos, IUI quadragenas, Alexander XXV annos, III quadragenas, Honorius XXV annos, III quadragenas, Nicolaus ordinis fratrum Minorum XXV annos, III quadragenas. Hec sunt indulgencie locales, benefactores elemosinas porrigentes, quotiens totiens IUI annos et nonaginta dies indulgenciarum, insuper fraternitatem et participationem omnium bonorum ordinis nostri in generali et mille missarum in speciali, decem milia psalterorum et quotidie vigiliarum. Nostri benefactores erunt participes in vita pariter et in morte. Iste sunt gratie sororibus ordinis Predicatorum a diversis pontificibus concesse, quas peto districte pronuntiari: Clemens IV. VIII annos et II karenas, Gregorius IX. totidem, Innocentius IV., Alexander IV., Urbanus, Nicolaus, Benedictus XIII., Johannes XIV. (!), quilibet horum VII annos et duas karenas, Benedictus, qui fuit de ordine Predicatorum LXIIII annos et decem et octo karenas, Urbanus V. centum annos et karenas III, a diversis pontificibus centum annos, XXVI et CCC dies et sex karenas Innocentius ecclesie sororibus in Blanckenborch, aut qui in testamentis aliquid legaverint vel qui fraternitatem ordinis receperint, tertiam partem remissionum omnium Predicatorum percipient. Clemens III., Alexander II., Gregorius VII. in predictis similem gratiam largiti sunt. Insuper Honorius IV. et Nicolaus [. .] omnium peccatorum suorum venias polliciti sunt, post [. . .] idem Honorius IV. XL annos et XL quadragenas de iniunctis penitentiis. 1508 Mai 21 (Datum nostro sub sigillo in testimonium premissorum anno domini XV CVIII ipso die in dominica Cantate)
