Bürgermeister und Rat der Stadt Bremen bestätigen, dass Wente, die Witwe des Johann Schorhar, für fünfzig Mark einige näher beschriebene Ländereien in Seehausen und up den Wylgen an die Geschwister Peter, Oltmann und die Begine Hille van dem Hemme, Kinder des verstorbenen Bremer Bürgers Woltman van dem Hemme, verkauft hat. Ausfertigung Pergament, 27 x 15 cm. - Rep. 3 Lilienthal, Nr. 431. - 1 Siegel angehängt: Stadt Bremen. - Rückvermerk: To Sehusen unde up de Wilghen (16. Jh.). Wy borgermester unde radman der stad Bremen bekennen unde betughen openbar in dessem breve,/ dat Wente, wedewe seligen hern Johan Schorhars, unse borgersche, openbar vor uns bekande, dat se myt/ wyllen unde vulborde al erer erven hebbe vorkofft in dessem breve to enem steden vasten ewighen/ ervekope Peter unde Oltmanne, brodere, unde juncvrowe Hillen, erer suster, der baghinen, kinderen/ seligen Woltmans van deme Hemme, wandaghes ok unse borgere, eren rechten erven unde deme holdere desses bre/ves sunder ere weddersprake vor vofftich Bremere mark, so to Bremen vor der wessele ghinge unde geve sint,/ de er to wyllen deger unde al betalet sint, enen vertel landes to Sehusen, de gelegen is by der kerken negest/ an dat sudene, unde enen kamp dar sulves, en half stucke, dat gheheten is de Wech, unde viff stucke up/ den Wylgen, der twe ligget uppe deme Hemmelrike, twe uppe deme Langen Slage unde en stucke uppe Wol/lekes ackere, unde dar to twe wurde myt ackere buwet unde ungebuwet, myt wysche, myt weyde,/ myt watere, myt aller rechticheit unde tobehoringe, nicht utesproken, vor vrij ervegud vrijliken to/ hebbende to besittende unde to beholdene to ewyghen tijden. Unde de ergenante Wente hefft en ghelaten/ unde leet in dessem breve den eghendeom unde de besittinge der vorgescrevenen ervegude in ere eghentlike/ hebbende besittende brukelike were, so men egendeom unde besittinge vrijger ervegude
