Record

100,001/Urkunden, 0046

1445 November 29/BUB 771
Registratursignatur: Bielefelder Urkundenbuch, S. 428f., Nr. 771

100,001/Urkunden 100,1/Urkunden

100,1/Urkunden

1445 November 29

Darin: Wir Ludeke van Grest, borgermester, Johan Ahus, richter, und andere raedmane der Oldenstad Bilevelde, alz Wilhelm van dem Wolde, Berndt van Varndorpe, Johan van dem Rede, Albert van Rode, Everd Wenemer, Hinrich Wessen, Cord Grise, Wessel Hanebom, Hinrich Jerinchtoerp, Wessel Ecgerdynck, Hans Paddewelle und Hans Wicht enkennen in dessen openen breve vor uns und unse nakomen, dat vor uns synd gekomen Lyneke, wandages echte husfrouwe Wessel Haneboms zeliger dechtnise, und Wessel Hanebom, er sone, myt bekantnisse vor sich und ere rechten erven, dat ze umb erer zele zalicheit heben gegeven und geven in dessen breve to eyner Steden, vasten, ewigen gifte ere hus und wurt belegen in dem Hagenbroke by des Greven huse up de mende Gode to love und to eren Marien syner leven moder und der hilgen juncfrouwen sunten Gertrud to eyner gemeinen herberge und hospitael der armen, eilenden pelgrimen komen und gaende. So heben wy also angeseyn dat mylde werk der barmherticheit und heben uns des vorscrevesonen huses, inmaten vorscreven, also underwunden, dat to vorstaende und myd unser guden gunst und raede vorttosettene, und hebn dat also dorch de leve Godes gevriet van aller plicht, denst und rechticheit unser stad andrepene und hebn darvurder togesat eynen drepplichen vromen man van unsen borgeren, dem vorgescrevenen huse vortowesen, dat to vorstaende mid demjhenen, der darynne is gebreck. Und dejhene sollen jarlinx uns und unsen nakomen rekenschop doen des vorscrevenen huses van upboringe und utgifte darto geboirlich. Und wy heben dar also ingesat eynen gastmester, eyn paer lude also geschicket, dar dat hus van unbelastet blyve. Und de gastmester sali truwelichen vorwaren allent datjhene, dat in dat vorscrevene hus gegheven und geschicket werdt der gemeynen armode ton besten, und dat mid wytschop und raede des vorscrevenen huses voerstender van unser wegen, so vorscreven is. Desses in eyn orkunde der warheit, so heben wy unses Stades ingezeghel vor uns, unse nakomen neden an dessen bref gehangen. Datum anno Domini MCCCCXL quinto in vigilia beati Andrea apostoli.

Enthält: anno Domini MCCCCXL quinto in vigilia beati Andrea apostoli

niederdeutsch

Archivale

Sortierdatum: 1445-11-29

Archive in NRW

CC0 1.0 Universal

Object in the 'Deutsche Digitale Bibliothek'

09.01.2026, 11:55 AM CET