Knappe Hermann Düvel verkauft dem Kloster Lilienthal die Liten Hermann Sceven, seine Frau Mathilde, dessen Sohn Johannes mit seiner Frau Gertrud und deren Sohn Johannes und außerdem Hinrich Helt für vierzehn Mark. Diese bearbeiten die Besitzungen des Klosten in Quelkhorn. Ausfertigung Pergament, 21,5 x 12 cm. - Rep. 3 Lilienthal, Nr. 194. - 2 Siegel angehängt: 1. Hermann Düvel, 2. Johannes Düvel. Ne ea, que geruntur in tempore, simul labantur cum tempore, expedit, ut testimoniis litterarum diligentius confirmentur./ Hinc est, quod ego Hermannus, famulus dictus Duvel, notum facio tam presentibus quam futuris, quod de consensu et volun/tate domine Anne, uxoris mee, ac Iohannis, fratris mei, nec non omnium heredum nostrorum, quorum interest consentire, vendidi/ domine abbatisse et conventui monialium in Lyliendale litones meos, scilicet Hermannum dictum Sceven ac Methildem,/ uxorem eius, Iohannem, filium iam dicti Hermanni, cum uxore sua Gertrude et filio suo Iohanne nec non Hinricum/ dictum Helt nunc temporis colentes bona dictarum dominarum in villa dicta Quelichorne pro quatuordecim marcis Bremensis/ ponderis et argenti cum omni iure servilis conditionis, quo michi obnoxii tenebantur, ut sint dicto monasterio/ iure servitutis in perpetuum obligati. Ceterum ego Hermannus et Iohannes, frater meus, promittimus in hiis scriptis/ firmam warandiam atque iustam pro natis et nascituris renuntiantes simpliciter et expresse omni iure, quod nobis/ in hiis litonibus competebat. In cuius rei testimonium sigilla nostra presentibus sunt appensa. Datum et actum annoa domini Mo CCCo/ quinquagesimo quarto, dominica Reminiscere, ante fores ecclesie in Wilstede presentibus parrochialibus et aliis quam/ pluribus fide dignis. a anno über der Zeile nachgefügt. Datierung: 1354 März 9, Wilstedt
Public Domain Mark 1.0 Universal