Ludolf von der Hude, anders von den Borstel genannt, lässt davon ab, drei Stücke in Trupe, die von Hinke Busek und Reneke Bernd bebaut werden, vom Kloster Lilienthal zu beanspruchen; ebenso lässt er ab von der Anklage gegen Schwester Mechthild. Ausfertigung Pergament, 21,5 x 11,5 cm. - Rep. 3 Lilienthal, Nr. 262. - 1 Siegel angehängt: Ludolf von der Hude, stark beschädigt, restauriert, Siegelbild unkenntlich. Ik Loudelef van der Hude anderes gheheten van den Borstle, Johannes sone van der/ Hude, oc anderes gheheten van den Borstle, bekenne unde bethuge openbare an dezer scrift/ vor al den genen, dhe ze zeed edder hored lezen, dat ic quit unde los late dhe ebbedisschen/ unde dat convent des closteres sounte Marien tzo den Lyliendale umme anclaghe unde bispra/ke drier stucke gouedes an der Trupe, dhe nu tzo tyden buwet Hynke Buseken unde/ Reneke Berndes, dat ere is unde wezen heft myt aller tzobehoringe unde besittinghe, al/zo ze dat ghekoft hebbet von den olden Ludere van der Hude unde sinen rechten erven/ eweliken tzo brukene. Vort mer zo bekenne ic Ludelef vorescreven van den Borstle, dat ic/ noch al myne erven, boren unde aneboren, nicht rechtes ofte eghenes an den vorescrevenen/ dren stucken landes hebben noch nummer mer anspreken ofte anclagen willen ofte moghen unde/ wille dat closter vorderen unde nicht hinderen, wor ic dat vor macht. Oc vortmer zo late/ ic quit unde los suster Metthilde umme anclage, de ic up ze hadde, unde wille er tzo willen unde/ tzo deneste wezen, wor ic mach. Tho eyner vasten wissen betuginghe alle dezer stucke unde/ vor alle myne erven, boren unde aneboren, hebbe ic myn inghezegel hangen an dezen bref,/ dedhe is ghescreven unde gheven na godes bord duzent iar dre hundert an den seveden/ unde achtegesten iare, des negesten dages Unzer leven vrowen der lateren.
Public Domain Mark 1.0 Universal